କୋରାପୁଟ,୫।୨(ଅମିତାଭ ବେହେରା): ମାଓବାଦୀ ଏସିଏମ କ୍ୟାଡର ମମତା ପଡିଆମି ଓରଫ ମମିତା (୨୬)ଏସଏଲଆର ସହିତ ଗୁରୁବାର କୋରାପୁଟ ଦକ୍ଷିଣାପଶ୍ଚିମାଞ୍ଚଳ ଡିଆଇଜି କନୱାର ବିଶାଳ ସିଂ ନିକଟରେ ଆତ୍ମ ସମର୍ପଣ କରିଛି। ଆତ୍ମସମର୍ପଣ କରିଥିବା ମାଓବାଦୀଙ୍କ ଘର ଛତିଶଗଡ଼ ରାଜ୍ୟର ଲିଙ୍ଗପୁରମ ଗ୍ରାମର ଗଙ୍ଗୁଲୁ ପଡିଆମିର ଝିଅ ବୋଲି ଡିଆଇଜି କୋରାପୁଟ ଏସପି କାର୍ଯ୍ୟାଳୟରେ ଆୟୋଜିତ ଏକ ଖବରଦାତା ସମ୍ମିଳନୀରେ ସୂଚନା ଦେଇଛନ୍ତି। ସେ ବହୁ ମାଓବାଦୀ ଘଟଣାରେ ଜଡିତ ରହିଥିବାବେଳେ ତାଙ୍କ ଠାରୁ ବହୁ ଅସ୍ତ୍ରଶସ୍ତ୍ର ପୋଷାକ, ଲ୍ୟାଣ୍ଡମାଇନ ପୁସ୍ତକ ଜବତ ହୋଇଛି। ତାଙ୍କୁ ମାଓବାଦୀଙ୍କ ଆତ୍ମସମର୍ପଣ ପଲିସି ଅନୁଯାୟୀ ମୋଟ ୭ ଲକ୍ଷ ୧୫ ହଜାର ଟଙ୍କା ପ୍ରଦାନ କରାଯିବ ବୋଲି ଡିଆଇଜି ସୂଚନା ଦେଇଛନ୍ତି। କୋରାପୁଟ ଜିଲାକୁ ମାଓ ମୁକ୍ତ ଘୋଷଣା କରିଛନ୍ତି ଡିଆଇଜି କେ ବିଶାଳ ସିଂ।ଏହି ଅବସରରେ ଏସପିଙ୍କ ସହ ବହୁ ପୋଲିସର ପଦସ୍ଥ ଅଧିକାରୀ ଉପସ୍ଥିତ ଥିଲେ।
Dharitri – Odisha’s No.1 Odia Daily
