ବଲାଙ୍ଗୀର,୩ା୫(ସୁନିଲ କୁମାର ମହାନ୍ତି): ବଲାଙ୍ଗୀର ଜିଲା ମୁରିବାହାଲ ଥାନା ଚିତ୍ରାମୁଣ୍ଡା ଗାଁର ଏକ କପା କିଆରିରେ ଥିବା ଏକ ପରିତ୍ୟକ୍ତ କୂଅରେ ପଡ଼ିଛି ଜଣେ ବିବାହିତା ୩ ସନ୍ତାନଙ୍କର ମା’ର ମୃତଦେହ। ହତ୍ୟା କରି ମୃତଦେହକୁ ପୋତି ଦେବାକୁ ଉଦ୍ୟମ କରାଯାଇଛି। ମୁରିବହାଲ ପୋଲିସ ଘଟଣାସ୍ଥଳରେ ପହଞ୍ଚି ଅଧିକ ତଦନ୍ତ ଆରମ୍ଭ କରିଛି। ମୃତକଙ୍କ ନାଁ ରଞ୍ଜିତା ସାହୁ।
ଶନିବାର ସକାଳୁ କପାଚାଷ କରିଥିବା ତାଙ୍କ ଜମିକୁ ଯାଇଥିଲେ। ସନ୍ଧ୍ୟା ସୁଦ୍ଧା ସେ ଘରକୁ ଫେରି ନ ଥିବା ବେଳେ ରଞ୍ଜିତାଙ୍କ ଝିଅ ତାଙ୍କ ମାମୁଘର ଲୋକଙ୍କୁ ମାଆ ଘରକୁ ଫେରି ନ ଥିବା ଖବର ଦେଇଥିଲେ l ମାମୁ ଘର ଲୋକେ ଗାଁକୁ ଆସି ଖୋଜାଖୋଜି କରିବା ପରେ କପାଚାଷ ଜମିର ଏକ ପରିତ୍ୟକ୍ତ କୁଅରେ ପଡ଼ିଥିବା ଦେଖିବାକୁ ପାଇଥିଲେ। ପରେ ପୋଲିସକୁ ଏନେଇ ଖବର ଦେଇଥିଲେ। ରଞ୍ଜିତାଙ୍କ ବାପଘର ଲୋକ ଆସି ସବୁ ଦେଖିଲା ପରେ ଏହା ହତ୍ୟା ବୋଲି ଅଭିଯୋଗ କରିଛନ୍ତି। ଘଟଣାସ୍ଥଳକୁ ପୋଲିସ ସାଇଣ୍ଟିଫିକ ଟିମ୍ ଆସୁଥିବା ଜଣାଯାଇଛି।