ନୂଆଦିଲ୍ଲୀ, ୧୬ା୧ (ପି.ଟି.)- ସଦ୍ୟ ପ୍ରକାଶିତ ବ୍ୟାଡ୍ମିଣ୍ଟନ ଓ୍ବାଲର୍ଡ ଫେଡେରେଶନ(ବିଡବ୍ଲ୍ୟୁଏଫ୍) ଜୁନିୟର ବିଶ୍ୱ ର଼୍ୟାଙ୍କିଙ୍ଗ ଟପ୍ ଟେନ୍ରେ୬ଜଣ ଭାରତୀୟ ରହିଛନ୍ତି। ଯୁବ ବ୍ୟାଡ୍ମିଣ୍ଟନ ଖେଳାଳି ବରୁଣ କପୁର ଓ ସାମିୟା ଇମାଦ ଫାରୁକି ସେମାନଙ୍କ କାଟେଗୋରୀରେ କ୍ୟାରିୟର ଶ୍ରେଷ୍ଠ ଦ୍ୱିତୀୟ ସ୍ଥାନରେ ରହିଛନ୍ତି। ପୁରୁଷ ସିଙ୍ଗଲ୍ସ ଖେଳାଳିଙ୍କ ମଧ୍ୟରେ ବରୁଣ ୪ସ୍ଥାନ ଉପରକୁ ଉଠିଥିବାବେଳେ ମହିଳା ବିଭାଗରେ ସାମିୟାଙ୍କର ୬ ସ୍ଥାନ ପଦୋନ୍ନତି ଘଟିଛି। ଗତବର୍ଷ ବରୁଣଙ୍କ ପ୍ରଦର୍ଶନ ଖୁବ୍ ଭଲ ରହିଥିଲା। ସେ ୬ଟି ଜୁନିୟର ଟାଇଟଲ ଜିତିଥିଲେ। ୨୦୨୦ ନଭେମ୍ବରରେ ସେ ଦ୍ୱାଦଶ ପର୍ତ୍ତୁଗିଜ୍ ଇଣ୍ଟରନ୍ୟାଶନାଲ ଜିତିଥିଲେ। ଅନ୍ୟପକ୍ଷରେ ପୂର୍ବତନ ୧୫ ବର୍ଷରୁ କମ୍ ଏସିଆନ ବ୍ୟାଡ୍ମିଣ୍ଟନ ଚାମ୍ପିୟନଶିପ୍ ବିଜୟିନୀ ୧୭ ବର୍ଷୀୟା ସାମିୟା ଗତବର୍ଷ ଜୁନିୟର ସର୍କିଟ୍ରେ ସ୍ଥିର ପ୍ରଦର୍ଶନ କରିଥିଲେ। ଟପ୍ ୧୦ ପୁରୁଷ ବ୍ୟାଡ୍ମିଣ୍ଟନ ଖେଳାଳିଙ୍କ ମଧ୍ୟରେ ବରୁଣ ଏକମାତ୍ର ଭାରତୀୟ ଭାବେ ସ୍ଥାନ ପାଇଛନ୍ତି। ମହିଳା ସିଙ୍ଗଲ୍ସ କାଟେଗୋରି ଟପ୍ ଟେନ୍ରେ ସ୍ଥାନ ପାଇଥିବା ଅନ୍ୟ ଭାରତୀୟ ବ୍ୟାଡ୍ମିଣ୍ଟନ ଖେଳାଳିମାନେ ହେଲେ ତସନିମ୍ ମୀର୍ (୪), ତ୍ରିସା ଜୋଲି (୮) ଏବଂ ଆଦିତି ଭଟ୍ଟ (୧୦)। ସେହିପରି ମହିଳା ଡବଲ୍ସ କାଟେଗୋରି ଟପ୍ ଟେନ୍ରେ ରେ ତ୍ରିସା (୮), ତନିଶା କ୍ରାଷ୍ଟୋ (୯) ଏବଂ ଆଦିତି (୯) ଆଦି ଭାରତୀୟ ଖେଳାଳି ରହିଛନ୍ତି। ବ୍ୟାଡ୍ମିଣ୍ଟନ ଆସୋସିଏଶନ ଅଫ୍ ଇଣ୍ଡିଆ (ବାଇ)ର ସଭାପତି ହିମନ୍ତ ବିଶ୍ୱ ଶର୍ମାଙ୍କ ସୂଚନା ଅନୁସାରେ ବର୍ତ୍ତମାନ ଟପ୍ ୨୦ରେ ଭାରତର ୧୦ ଖେଳାଳି ରହିଛନ୍ତି।
