ଭୁବନେଶ୍ୱର,୨୩।୧: ବସ୍ ଧର୍ମଘଟ ଡାକରା ପ୍ରତ୍ୟାହୃତ। ଶନିବାର ଠାରୁ ବସ୍ ଧର୍ମଘଟ ଡାକରା ଦେଇଥିଲା ଘରୋଇ ବସ୍ ମାଲିକ ସଂଘ। ମାଲିକ ସଂଘ ବୈଠକ ପରେ ଏହି ନିଷ୍ପତ୍ତି ନିଆଯାଇଛି।
ଗୁରୁବାର ସରକାରଙ୍କ ସହିତ ଆଲୋଚନା ସଫଳ ହୋଇଥିଲା। ବିଭିନ୍ନ ଜିଲାର ଜିଲାପାଳମାନେ ମୁଖ୍ୟମନ୍ତ୍ରୀ ବସ୍ ସେବାକୁ ଜିଲା ସଦର ମହକୁମାକୁ ଚଳାଇବା ନିଷ୍ପତ୍ତିକୁ ଜିଲା ଘରୋଇ ବସ ମାଲିକ ସଂଘ ବିରୋଧ କରିଥିଲା । ଯାହାକୁ ନେଇ ଗଲା ୭ ଦିନ ଧରି ବିଭିନ୍ନ ଜିଲାରେ ଏକ ଅଚଳାବସ୍ଥା ସୃଷ୍ଟି ହୋଇଥିଲା । ଶୁକ୍ରବାର ମୁଖ୍ୟମନ୍ତ୍ରୀ, ପରିବହନ ମନ୍ତ୍ରୀ, ପରିବହନ ସଚିବ ଓ ପରିବହନ କମିଶନରଙ୍କ ସହିତ ଘରୋଇ ବସ ମାଲିକ ସଙ୍ଘର ଆଲୋଚନା ହୋଇଥିଲା । ଆଲୋଚନା ପରେ ବସ ଧର୍ମଘଟରୁ ଓହରିବ ବୋଲି ସଙ୍ଘ ନିଷ୍ପତ୍ତି ନେଇଛି ।
ବ୍ଲକକୁ ଜିଲାରୁ ବସ୍ ଗଡିବ ନାହିଁ ବୋଲି ଚଳିତ ମାସ ୨୪ ତାରିଖରୁ ରାଜ୍ୟ ବ୍ୟାପି ଧର୍ମଘଟ ଆନ୍ଦୋଳନ ଡାକରା ଦେଇଥିଲା ରାଜ୍ୟ ଘରୋଇ ବସ ମାଲିକ ସଂଘ।
