କେସିଙ୍ଗା,୨୮।୪(ତୁମେଶ୍ୱର ସାହୁ): କଳାହାଣ୍ଡି ଜିଲା କେସିଙ୍ଗା ବ୍ଲକର କଶ୍ରୁପଡ଼ା ଗ୍ରାମପଞ୍ଚାୟତର ବିନେକେଲା ଗ୍ରାମରେ ସରକାରୀ ରାସ୍ତାକୁ ଜବରଦଖଲ କରି ଘର ତିଆରି କରିଦୀର୍ଘ ଦିନ ଧରିଜବର ଦାଖଲ କରି ପ୍ରାୟ ୨୯ଟି ପରିବାର ରହିଆସୁଥିଲେ। ବେନେକେଲା ଗ୍ରାମର କିଛି ଲୋକ ଗ୍ରାମ ଭିତରେ ଥିବା ରାସ୍ତା ଉପରେ ଜବରଦଖଲ କରି ଘର ତିଆରି କରୁଥିବାରୁ ବର୍ଷା ଦିନେ ବର୍ଷା ପାଣି ନିଷ୍କାସିତ ହୋଇ ନ ପାରି ରାସ୍ତା ଉପରେ ଜମି ରହୁଥିଲା। ରାସ୍ତା ସଂକୀର୍ଣ୍ଣ ହେବା ସହିତ ପାଣି ନିଷ୍କାସନ ପାଇଁ ଅନେକ ଅସୁବିଧା ଭୋଗୁଥିଲେ। ଯାନବାହନ ଗମନାଗମନ କ୍ଷେତ୍ରରେ ଅସୁବିଧା ହେଉଥିଲା। ଗ୍ରାମ ପଞ୍ଚାୟତ ପକ୍ଷରୁ ଗ୍ରାମରେ ଭଲ ରାସ୍ତା ତିଆରି ହୋଇ ପାରୁ ନ ଥିଲା ବର୍ଷା ପାଣି ନିଷ୍କାସନ ପାଇଁ ଡ୍ରେନ ନିର୍ମାଣ ହୋଇପାରୁ ଥିଲା।ଏପରିକି ଗ୍ରାମରେ ଥିବା ଅଙ୍ଗନବାଡ଼ି କେନ୍ଦ୍ର ସମ୍ମୁଖରେ ପାଣି ଜମାହୋଇ କୃତ୍ରିମ ବନ୍ଧ ସୃଷ୍ଟି ହେଉଥିଲା। ଗ୍ରାମବାସୀ କେସିଙ୍ଗା ତହସିଲ କାର୍ଯ୍ୟାଳୟ ଯାଇ ତହସିଲଦାରଙ୍କୁ ସାକ୍ଷାତ କରି ଜବର ଦଖଲ ଉଚ୍ଛେଦ ପାଇଁ ଲିଖିତ ଅଭିଯୋଗ କରିଥିଲେ। ଅଭିଯୋଗକୁ ଭିତ୍ତି କରି କସୃପଡା ଗ୍ରାମ ପଞ୍ଚାୟତର ରାଜସ୍ବ ନିରୀକ୍ଷକଙ୍କୁ ତଦନ୍ତ କରି ରିପୋର୍ଟ ପ୍ରଦାନ କରିବାକୁ ତହସିଲଦାର ନିର୍ଦ୍ଦେଶ ଦେଇଥିଲେ। ଜବର ଦଖଲ କରିଥିବା ୨୯ଟି ଘରକୁ ଚିହ୍ନଟ କରିବା ପରେ କେସିଙ୍ଗା ତହସିଲଦାର କାର୍ଯ୍ୟାଳୟ ପକ୍ଷରୁ ଜବରଦଖଲକାରୀଙ୍କୁ ସରକାରୀ ଜମି ଉଚ୍ଛେଦ ପାଇଁ ଦୁଇ ଥର ନୋଟିସ ପଠାଯାଇଥିଲା କିନ୍ତୁ ଜବରଦଖଲକାରୀ ନୋଟିସର କୌଣସି ଜବାବ କିମ୍ବା ଜବର ଦଖଲ ନ ହଟାଇବାରୁ ଗତକାଲି ନିଜେ ତହସିଲଦାର ସ୍ଥାନୀୟ ପୋଲିସର ସହାୟତାରେ ସରକାରୀ ରାସ୍ତା ଉପରେ ଜବର ଦଖଲ କରିଥିବା ପ୍ରାୟ ୨୯ଟି ଘରକୁ ଜେସିପି ଲଗାଇ ଭାଙ୍ଗି ଜବର ଦଖଲ ଉଚ୍ଛେଦ କରାଯାଇଥିଲା। କିନ୍ତୁ ବର୍ତ୍ତମାନ ଗ୍ରୀଷ୍ମପ୍ରବାହରେ ଲୋକମାନେ ନାହିଁ ନ ଥିବାର ଅସୁବିଧାର ସମ୍ମୁଖୀନ ହେଉଛନ୍ତି। ଏହି ଉଚ୍ଛେଦ କାର୍ଯ୍ୟରେ ଅତିରିକ୍ତ ତହସିଲଦାର ବିବେକାନନ୍ଦ ସାମଲ,ରାଜସ୍ବ ସୁପର ଭାଇଜର ହିମାଂଶୁ ପ୍ରଧାନ, ରାଜସ୍ବ ନିରୀକ୍ଷକ କୌଶଲ୍ୟା ବାଗ, ଆରଆଇ ଜି.ସିଲାଜିତ, ଅମିତ ଜୟଶ୍ରୀଦାସ ସମେତ କେସିଙ୍ଗା ପୋଲିସ କର୍ମଚାରୀ ଉପସ୍ଥିତରେ ଜବରଦଖଲ ଉଚ୍ଛେଦ କରାଯାଇଥିଲା।
Dharitri – Odisha’s No.1 Odia Daily
