ବର୍ତ୍ତମାନ ଯୁବପିଢ଼ୀ ଅଧିକାଂଶ ସମୟ ସୋସିଆଲ ମିଡିଆରେ ଅତିବାହିତ କରୁଛନ୍ତି। ବିଶେଷକରି ଫଲୋଅର୍ସ ବଢ଼ାଇବାକୁ ନେଇ ଚାଲିଛି ଏକ ପ୍ରତିଯୋଗିତା। ଏଥିପାଇଁ ଲୋକମାନେ ଭଳିକି ଭଳି ଉପାୟ ଅବଲମ୍ବନ କରୁଛନ୍ତି। ସେଭଳି ଏକ ଘଟଣା ଫ୍ଲୋରିଡାରେ ଦେଖିବାକୁ ମିଳିଛି। ଅନ୍ଲାଇନ୍ ଫଲୋଅର୍ସ ବଢ଼ାଇବା ପାଇଁ ୪୪ ବର୍ଷୀୟ ବ୍ରାୟନ୍ ଅଜବ ଉପାୟ ଅବଲମ୍ବନ କରୁଛନ୍ତି। ଯାହା ଶୁଣିଲେ ଆପଣ ଆଶ୍ଚର୍ଯ୍ୟ ହେବେ।
ବ୍ରାୟନଙ୍କୁ ଲୋକେ ଗେନର ବୁଲ୍ ଭାବେ ଜାଣନ୍ତି। ତାଙ୍କ ଓଜନ ୨୨୫ କିଲୋଗ୍ରାମ ରହିଛି। ହେଲେ ଅଧିକ ଓଜନକୁ ନେଇ ସେ ଚିନ୍ତିତ ନୁହନ୍ତି। ବରଂ ସେ ସବୁଦିନ ୧୦ହଜାର କ୍ୟାଲୋରୀ ବିଶିଷ୍ଟ ଖାଦ୍ୟ ଖାଆନ୍ତି। ୨୦ ବର୍ଷ ପୂର୍ବେ ସେ ନିଜର ଓଜନ ବଢ଼ାଇବାକୁ ଚିନ୍ତା କରିଥିଲେ।
ଫ୍ଲୋରିଡାରେ ରହୁଥିବା ବ୍ରାୟନ୍ଙ୍କୁ ପିଲାଦିନେ ବେଶ୍ ପତଳାଥିଲେ। ଛଅ ବର୍ଷର ହୋଇଥିବା ବେଳେ ସେ ଅଜବ ଦେଖାଯାଉଥିଲେ। ଏହାକୁ ନେଇ ସାଙ୍ଗସାଥୀମାନେ ତାଙ୍କୁ ଚିଡାଉଥିଲେ। ପରେ ୨୦ ବର୍ଷ ହେବା ପରେ ସେ ଓଜନ ବଢ଼ାଇବାକୁ ଚେଷ୍ଟା କରିଥିଲେ। ଏବେ ସେ ଦୈନିକ ୧୦ହଜାର କ୍ୟାଲୋରୀଯୁକ୍ତ ଖାଦ୍ୟ ଗ୍ରହଣ କରୁଛନ୍ତି। ଯାହା ସାଧାରଣ ମଣିଷ ଖାଉଥିବା ଖାଦ୍ୟଠାରୁ ଚାରିଗୁଣା ଅଧିକ।
ତେବେ କଥା ଏତିକିରେ ସରୁନାହିଁ। ବ୍ରାଏନ୍ ନିଜର ଜୀବନଶୈଳୀ ଏବଂ ଖାଦ୍ୟପେୟ ବିଷୟରେ କହିବା ପାଇଁ ଆକାଉଣ୍ଟ ଖୋଲିଛନ୍ତି। ତାଙ୍କର ଏକ ଇନ୍ଷ୍ଟ୍ରାଗ୍ରାମ ଆକାଉଣ୍ଟ ଅଛି। ଏଥିରେ ସେ ବିଭିନ୍ନ ଭିଡିଓ ଶେୟାର କରନ୍ତି। ଏହାକୁ ଦେଖିବା ପାଇଁ ଗ୍ରାହକ ମାସକୁ ୨୦ ଡଲାର ଦେଇଥାନ୍ତି। ହେଲେ ଓଜନ ବଢ଼ିବା ସାଙ୍ଗକୁ ବିଭିନ୍ନ ଅସୁବିଧା ଉପୁଜୁଥିବା ସେ କୁହନ୍ତି।
