ଝାଡୁ ଡାନ୍ସ
2:00 pmApril 3, 2022April 3, 2022 / 06

ଘର, ବାହାର ସଫା କରିବା ଲାଗି ଝାଡୁର ଆବଶ୍ୟକତା ରହିଛି। ପ୍ରାୟ ସବୁ ମହିଳା ଝାଡୁ ଧରି କାମ କରିଥାନ୍ତି। ଭଲ ଲାଗୁ କି ନ ଲାଗୁ ଅନେକେ ଏହାକୁ କରିବାକୁ ବାଧ୍ୟ ବି ହୁଅନ୍ତି। ତେବେ ଯଦି ଏହି କାମକୁ ମଜାଦାର କରିବାକୁ ଚାହାନ୍ତି ମ୍ୟୁଜିକ ଲଗାଇ ନାଚି ନାଚି ମଧ୍ୟ କରିପାରିବେ। ଦେଖିବେ ଏହି କାମ ବେଶ୍‌ ମଜାଦାର ହୋଇଯିବ। ତେବେ ଜାଣନ୍ତି କି ଏଇ ଝାଡୁ ଡ୍ୟାନ୍ସକୁ ନେଇ ଏକ ରେକର୍ଡ ବି ରହିଛି। ସୁରତରେ ୭୩୭ ଜଣ ମହିଳା ଝାଡୁ ଧରି ଏକା ସାଙ୍ଗରେ ନୃତ୍ୟ କରି ଗିନିଜ ଓ୍ବାର୍ଲଡ ରେକର୍ଡସ୍‌ରେ ପୃଥିବୀର ସବୁଠାରୁ ବଡ଼ ବ୍ରୁମ ଡାନ୍ସର ମାନ୍ୟତା ପାଇଛନ୍ତି। ଉକ୍ତ ସମୁହ ଝାଡୁ ନୃତ୍ୟକୁ ଏସ୍‌ୟୁଭି ଇଣ୍ଟରନ୍ୟାଶନାଲ ସ୍କୁଲ, ଉମା ଏଜୁକେସନ୍‌ ଆଣ୍ଡ ଚାରିଟେବୁଲ ଟ୍ରଷ୍ଟ ନର୍ମତା ପୋକର ଭୟାନି ଓ ଜିଗର ପଟେଲଙ୍କ ଦ୍ୱାରା ଆୟୋଜନ କରାଯାଇଥିଲା। ଏକା ସାଙ୍ଗରେ ଏତେଜଣ ମହିଳା ଏକାସାଙ୍ଗରେ ଝାଡୁ ଧରି ନୃତ୍ୟ କରିବାର ଦୃଶ୍ୟ ବେଶ୍‌ ନିଆରା ଥିଲା।