ଭୁବନେଶ୍ୱର,୧୧।୬: ପ୍ରତିବର୍ଷ ପରି ଚଳିତବର୍ଷ ମଧ୍ୟ ଅନ୍ତଃରାଷ୍ଟ୍ରୀୟ ରପ୍ତାନିକାରୀ ସଂସ୍ଥା ପକ୍ଷରୁ ଦି ନ୍ୟୁ ମ୍ୟାରିୟନ ହୋଟେଲଠାରେ ୪ ଦିନିଆ ସର୍ବବୃହତ୍ ଡିସ୍କାଉଣ୍ଟ ସେଲ୍ର ଶୁଭାରମ୍ଭ କରାଯାଇଛି। ଶନିବାରୁଠାରୁ ଆରମ୍ଭ ହୋଇଥିବା ଏହି ସେଲ୍ ୨୦୨୩ ଜୁନ୍ ୧୩ ପର୍ଯ୍ୟନ୍ତ ଉପଲବ୍ଧ ରହିବ ବୋଲି ସଂସ୍ଥା ପକ୍ଷରୁ ସୂଚନା ଦିଆଯାଇଛି। ଉଲ୍ଲେଖଯୋଗ୍ୟ, ଏହି ସେଲ୍ ଜରିଆରେ ଗ୍ରାହକମାନେ ସୁଲଭ ମୂଲ୍ୟ ବ୍ରାଣ୍ଡେଡ୍ କମ୍ପାନୀର ସାମଗ୍ରୀ ଓ ଉତ୍ପାଦ ଗୋଟିଏ ଜାଗାରୁ ପାଇପାରିବେ। ବିଶେଷକରି ଦେଶର ପ୍ରମୁଖ ବ୍ରାଣ୍ଡ୍ ଯଥା ରୋଡ୍ଷ୍ଟାର,ଫିଲା, କଲରପ୍ଲସ୍, ଜନ୍ ମିଲର,କ୍ଲାର୍କସ, ରେମଣ୍ଡ,ଓ୍ବାଙ୍ଗରଲର,ଡବ୍ଲ୍ୟୁ,ନୁଟିସିଆ, ପାର୍କ ଏଭ୍ୟୁନ, ବେନଲଟେନ ଭଳି ଅନେକ ବ୍ରାଣ୍ଡେଡ୍ କମ୍ପାନୀର ଜିନ୍ସ, ଟ୍ରାଉଜର୍ସ, ଶାର୍ଟ, ଚିନୋସ, ଟି-ଶାର୍ଟସ, ଜ୍ୟାକେଟ୍ସ, ବ୍ଲେଜର୍ସ,ଫ୍ୟାନ୍ସି ସାମଗ୍ରୀ, ଲେଡିଜ ଟପ୍, ପାଲାଜୋ, ଫ୍ରକ୍ସ,ଲେଡିଜ ଲୋଓ୍ବର ପ୍ୟାଣ୍ଟ, ଜିନ୍ସ କୁର୍ତ୍ତା-କୁର୍ତ୍ତି ଲେଙ୍ଗିସ୍, ଫ୍ୟାଶନେବଲ କିଡ୍ସ ଓ୍ବେର ଏବଂ ଜୋତା ସମେତ ଆହୁରି ଅନେକ ସାମଗ୍ରୀ ଉପଲବ୍ଧ। ବିଶେଷକରି ଉକ୍ତ ପ୍ରଦର୍ଶନୀ ଓ ସେଲ୍ରେ ଲେଡିଜ୍, ଜେଣ୍ଟସ୍ ଓ କିଡ୍ସଙ୍କ ପାଇଁ ୩୫ରୁ ଊର୍ଦ୍ଧ୍ୱ କାଉଣ୍ଟରରେ ୩୦,୦୦୦ରୁ ଅଧିକ ଗାର୍ମେଣ୍ଟସ ଉଭୟ ବିକ୍ରୟ ଓ ପ୍ରଦର୍ଶନୀ ହେଉଛି। ସେହିଭଳି ଆକର୍ଷଣୀୟ ଉତ୍ପାଦ କ୍ରୟର ୧୨୦୦ରୁ ୬୦୦୦ ପ୍ରତି ବିଲିଂ ଉପରେ ୮୦% ପର୍ଯ୍ୟନ୍ତ ରିହାତି ଗ୍ରାହକଙ୍କୁ ଯୋଗାଇ ଦିଆଯାଉଛି। ସୂଚନାଯୋଗ୍ୟ, ବିଶ୍ୱବ୍ୟାପୀ ମାନ୍ଦାବସ୍ଥା ଯୋଗୁ ସାରା ବିଶ୍ୱରେ ଉଚ୍ଚ ଅର୍ଥନୈତିକ ମନ୍ଥରତା ଦେଖାଦେଇଛି। ଫଳରେ ବ୍ୟାପକ ପରିମାଣର ରପ୍ତାନି ଅର୍ଡରଗୁଡିକ ବାତିଲ ହୋଇଯାଇଛି। ଏପରିକି ସାରା ଦେଶରେ ସଂସ୍ଥାର ଫ୍ଳାଗ୍ଶିପ ଷ୍ଟୋରଗୁଡିକ ମଧ୍ୟ ବନ୍ଦ ହୋଇଯାଇଛି। ଉପରୋକ୍ତ କାରଣଗୁଡିକ ପାଇଁ ସଂସ୍ଥା ନିକଟରେ ବିପୁଳ ପରିମାଣରେ ସାମଗ୍ରୀ ମହଜୁଦ ହୋଇ ରହିଛି।
