ଜଣେ ୧୨ ବର୍ଷର ବାଳକଙ୍କ ହଳଦିଆ ଜିଭ ଦେଖି ଡାକ୍ତର ଆଶ୍ଚର୍ଯ୍ୟ ହୋଇଯାଇଛନ୍ତି। ଏତଦ୍ବ୍ୟତୀତ ବାଳକର ଶରୀରରେ କେତେକ ଗମ୍ଭୀର ଲକ୍ଷଣ ପ୍ରକାଶ ପାଇଥିଲା। ପରେ ପରିବାର ଲୋକେ କାନାଡାର ଟରେଣ୍ଟୋରେ ଥିବା ଏକ ହସ୍ପିଟାଲକୁ ନେଇଥିଲେ। ତାଙ୍କ ଗଳା ଦରଜ ହେବା, ହଳଦିଆ ପରିସ୍ରା ହେବା, ପେଟ ଦରଜ ହେବା, ତ୍ୱଚା ହଳଦିଆ ପଡ଼ିବା ପରି ଲକ୍ଷଣ ପ୍ରକାଶ ପାଇଥିଲା। ଏପରି ଲକ୍ଷଣ ଦେଖି ଡାକ୍ତରମାନେ ମଧ୍ୟ ଆଶ୍ଚର୍ଯ୍ୟ ହୋଇଯାଇଥିଲେ। ପ୍ରଥମେ ଡାକ୍ତର ଭାବୁଥିଲେ ଏହା ଜଣ୍ଡିସ୍ ବା ହଳଦିଆ କାମଳ ରୋଗ। ମାତ୍ର ଧୀରେ ଧୀରେ ଆଖି ମଧ୍ୟ ହଳଦିଆ ହୋଇଗଲା। ପରେ ଜିଭ ବି ହଳଦିଆ ହୋଇଗଲା। ଯାହା ଡାକ୍ତରଙ୍କୁ ଚିନ୍ତାରେ ପକାଇଥିଲା।
ଅନେକ ପରୀକ୍ଷା ନିରୀକ୍ଷା କରିବା ପରେ ବାଳକଙ୍କୁ ଆନେମିଆ ଏବଂ ଆପଷ୍ଟିନ୍ ବାର୍ ଭାଇରସରେ ସଂକ୍ରମିତ ହୋଇଥିବା ଜଣାପଡ଼ିଥିଲା। ଏହା ଏମିତି ଏକ ଭାଇରସ ଯାହା ପିଲାମାନଙ୍କୁ ସଂକ୍ରମିତ କରିଥାଏ। ଏହି ବାଳକ ଅଟୋଇମ୍ୟୁନୋ ଡିସ୍ଅର୍ଡର ରୋଗରେ ପୀଡ଼ିତ। ଏକ ରିପୋର୍ଟ ଅନୁଯାୟୀ, ବାଳକର ରୋଗ ପ୍ରତିରୋଧକ ଶକ୍ତି କମ୍ ଥିବାରୁ ଶରୀରରେ ରକ୍ତ କୋଶିକା ଉପରେ ଏହା ସଂକ୍ରମିତ ହୋଇଛି। ଯେଉଁ କାରଣରୁ ଏପରି ହୋଇଛି।
