ମୁମ୍ବାଇ,୨୧।୯-ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋ (ଏନ୍ସିବି) ଅଭିନେତା ସୁଶାନ୍ତ ସିଂ ରାଜପୁତ ମୃତ୍ୟୁ ଘଟଣାରେ ଡ୍ରଗ୍ସ ଲିଙ୍କକୁ ନେଇ ତଦନ୍ତ ଜାରି ରଖିଛି। ତେବେ ଏନ୍ସିବି ଖୁବଶିଘ୍ର ବଲିଉଡର କିଛି କଳାକାରଙ୍କୁ ସମନ କରିପାରେ ବୋଲି ଜଣାପଡିଛି। ପୂର୍ବରୁ ରିଆ ଚକ୍ରବର୍ତ୍ତୀଙ୍କୁ ଏନ୍ସିବି ଗିରଫ କରିସାରିଛି। ଅନ୍ୟପକ୍ଷରେ ଅଧିକ ପଚରାଉଚରା ପାଇଁ ବଲିଉଡ ଅଭିନେତ୍ରୀ ଶ୍ରଦ୍ଧା କପୁର ଏବଂ ସାରା ଅଲି ଖାନଙ୍କୁ ଏନ୍ସିବି ଡାକିପାରେ ବୋଲି କୁହାଯାଉଛି।
ପ୍ରକାଶ ଯେ, ଏନ୍ସିବି ରିଆଙ୍କୁ ଜେରାବେଳେ ଉଭୟଙ୍କ ନାମ ଆସିଥିଲା। ଏନ୍ସିବି ରିଆଙ୍କୁ ସେପ୍ଟେମ୍ବର ୯ରେ ଡ୍ରଗ୍ସ ଲିଙ୍କ ଅଭିଯୋଗରେ ଗିରଫ କରିଥିଲା। ରିଆଙ୍କ ବ୍ୟତୀତ ତାଙ୍କ ଭାଇ ଶୋଭିକ ଚକ୍ରବର୍ତ୍ତୀ, ସୁଶାନ୍ତଙ୍କ ଦୁଇଜଣ କର୍ମଚାରୀ ଏବଂ ବଲିଉଡ ସହ ଜଡିତ ଡ୍ରଗ୍ସ ଡିଲର ଗିରଫ ହୋଇ ସାରିଛନ୍ତି।
