ମୁମ୍ବାଇ: ପାଶ୍ଚାତ୍ୟ ସଂସ୍କୃତିକୁ ଅନୁସରଣ କରି ଭାରତରେ ମଧ୍ୟ ଲିଭ୍ ଇନ୍ ସମ୍ପର୍କ ଏକ ସାଧାରଣ କଥା ହୋଇଗଲାଣି। ଏଥିରୁ ବାଦ୍ ପଡ଼ିନାହାନ୍ତି ବଲିଉଡ୍ର ଅଭିନେତ୍ରୀ ଆଉ ଅଭିନେତା। ଏମାନଙ୍କ ମଧ୍ୟରୁ କେତେକ ଯୋଡ଼ି ସଫଳ ହୋଇଥିବା ବେଳେ ଆଉ କେତେକ ପରସ୍ପରଠାରୁ ଅଲଗା ହୋଇଯାଇଛନ୍ତି।
ଜନ୍ ଇବ୍ରାହିମ୍-ବିପାଶା ବସୁ
ଜନ୍ ଏବଂ ବିପାଶାଙ୍କ ରିଲେସନଶିପ୍କୁ ନେଇ ଏକଦା ବହୁ ଚର୍ଚ୍ଚା ହୋଇଥିଲା। ଉଭୟେ ମଧ୍ୟ ଏହି କଥାକୁ ଅନେକ ଥର ସର୍ବସାଧାରଣରେ ସ୍ବୀକାର କରିଛନ୍ତି। ଦୁହେଁ ୯ ବର୍ଷ ଧରି ଲିଭ୍-ଇନ୍ରେ ରହିଥିଲେ। ଏତେ ଦିନର ସମ୍ପର୍କ ପରେ ଦୁହେଁ ଅଲଗା ହୋଇଯାଇଛନ୍ତି। ଏବେ ଜନ୍ ପ୍ରିୟା ରୁଞ୍ଚାଲ ଏବଂ ବିପାଶା କରଣ ସିଂ ଗ୍ରୋଭରଙ୍କ ସହିତ ଦାମ୍ପତ୍ୟ ଜୀବନ କଟାଉଛନ୍ତି।
ସୁଶାନ୍ତ ସିଂ ରାଜପୁତ-ରିୟା ଚକ୍ରବର୍ତ୍ତୀ
ଲିଭ୍-ଇନ୍ରେ ସୁଶାନ୍ତ ସିଂ ରାଜପୁତ ଏବଂ ତାଙ୍କ ଗର୍ଲଫ୍ରେଣ୍ଡ ରିୟା ଚକ୍ରବର୍ତ୍ତୀ ମଧ୍ୟ ଥିଲେ। ତେବେ ସୁଶାନ୍ତଙ୍କ ଆତ୍ମହତ୍ୟା ପୂର୍ବରୁ ରିୟା ତାଙ୍କ ଘରୁ ଚାଲିଯାଇଥିଲେ ଏବଂ ସେ ତାଙ୍କ ଘରକୁ ଯାଇଥିଲେ। ନିକଟରେ ପୋଲିସ ପଚରାଉଚରା ବେଳେ ରିୟା ସୁଶାନ୍ତଙ୍କ ସହ ଲିଭ୍-ଇନ୍ରେ ରହୁଥିବା ସ୍ବୀକାର କରିଛନ୍ତି।
ସୁଶାନ୍ତ ସିଂ ରାଜପୁତ-ଅଙ୍କିତା ଲୋଖଣ୍ଡେ
ସୁଶାନ୍ତ ସିଂ ରାଜପୁତ ମଧ୍ୟ ତାଙ୍କର ପୂର୍ବତନ ଗର୍ଲଫ୍ରେଣ୍ଡ ଅଙ୍କିତା ଲୋଖଣ୍ଡେଙ୍କ ସହ ଲିଭ୍-ଇନରେ ଥିଲେ। ‘ପବିତ୍ର ରିସ୍ତା’ ସିରିୟଲର ଶୁଟିଂ ଶେଟରୁ ସେମାନଙ୍କ ପ୍ରେମ ଆରମ୍ଭ ହୋଇଥିଲା। ତେବେ ଦୀର୍ଘ ବର୍ଷର ସମ୍ପର୍କ ପରେ କୌଣସି କାରଣକୁ ନେଇ ଦୁହେଁ ଅଲଗା ହୋଇଯାଇଥିଲେ।
ସେହିପରି ବଲିଉଡ୍ର ରଣବୀର କପୁର-କ୍ୟାଟ୍ରିନା କୈଫ୍, ସୋହା ଅଲ୍ଲୀ ଖାନ୍- କୁଣାଳ ଖେମୁ,ସୈଫ୍ ଅଲ୍ଲୀ ଖାନ୍- କରୀନା କପୁର, ଅମୀର ଖାନ୍- କିରଣ ରାଓଙ୍କ ପରି ଅନେକ ଅଭିନେତ୍ରୀ ଅଭିନେତା ଲିଭ୍ ଇନ୍ରେ ରହି ମଧ୍ୟ ପରେ ଅଲଗା ହୋଇଯାଇଛନ୍ତି।
