ବର୍ତ୍ତମାନ ସମୟରେ ବଲିଉଡ୍ର ଆଗଧାଡିର ଅଭିନେତାଙ୍କ ମଧ୍ୟରେ ଜଣେ ରଣବୀର ସିଂ। ଗତ କିଛି ବର୍ଷ ମଧ୍ୟରେ ସେ ଅନେକ ହିଟ୍ ଫିଲ୍ମରେ କାମ କରିସାରିଛନ୍ତି। ତାଙ୍କର ଶେଷ ଫିଲ୍ମ ‘ସିମ୍ବା’ ରିଲିଜ୍ ହେବାର ମାତ୍ର ୪ ଦିନରେ ୯୬.୩୫ କୋଟି ଟଙ୍କାର ବ୍ୟବସାୟ କରିଥିଲା। ସମଗ୍ର ବିଶ୍ୱରେ ଏହି ଫିଲ୍ମ ୪ଶହ କୋଟିର ବ୍ୟବସାୟ କରିଥିଲା। ମାତ୍ର ୮ ବର୍ଷର ଅଭିନୟ କ୍ୟାରିୟର ମଧ୍ୟରେ ରଣବୀର ୧୪ଟି ଫିଲ୍ମରେ କାମ କରିଛନ୍ତି। ତେବେ ସମସ୍ତ ୧୪ଟି ଯାକ ଫିଲ୍ମ ସୁପରହିଟ୍ ରହିଛି।
ଅଭିନୟ ସାଙ୍ଗକୁ ରଣବୀର ନିଜର ଡ୍ରେସିଂ ସେନ୍ସ ପାଇଁ ବେଶ୍ ଜଣାଶୁଣା। ତାଙ୍କର ସମୁଦାୟ ସମ୍ପତ୍ତି ହେଉଛି ୩୦୭ କୋଟି। ଗୋଟିଏ ଫିଲ୍ମ ପାଇଁ ରଣବୀର ୧୫ରୁ ୧୬ କୋଟି ଟଙ୍କା ଚାର୍ଜ କରିଥାନ୍ତି। ଏଥିସହ ସେ ବିଜ୍ଞାପନରୁ ମଧ୍ୟ ମୋଟା ଅଙ୍କର ରାଶି ନେଇଥାନ୍ତି।
ରଣବୀର ଏବଂ ଅଭିନେତ୍ରୀ ଦୀପିକା ପାଦୁକୋନ ଇଟାଲୀରେ ବିବାହ କରିଥିଲେ। ବିବାହ ପରେ ସେମାନେ ମୁମ୍ବାଇରେ ୫୦ କୋଟି ଟଙ୍କାରେ ଏକ ଘର କିଣିଥିଲେ। ରଣବୀରଙ୍କର ଗୋଆରେ ମଧ୍ୟ ୯ କୋଟି ଟଙ୍କାର ଏକ ବଙ୍ଗଳା ରହିଛି।
ପୋଷାକ ସାଙ୍ଗକୁ କାର ସୌକିନ ମଧ୍ୟ ଏହି ଅଭିନେତା। ତାଙ୍କ ପାଖରେ ୩.୨୯ କୋଟିର ଆଷ୍ଟନ ମାର୍ଟିନ ର଼୍ୟାପିଡ୍ କାର ଅଛି। ଏଥିସହ ଆହୁରି ଅନେକ ଦାମି କାର ମଧ୍ୟ ରହିଛି।
ଜୋତା ପ୍ରେମୀ ମଧ୍ୟ ଅଟନ୍ତି ରଣବୀର। ତାଙ୍କ ପାଖରେ ୬୮ ଲକ୍ଷ ଟଙ୍କାର ଏକ ହଜାର ଜୋତା ରହିଛି। ଫିଲ୍ମ ‘ସିମ୍ବା’ର ସଫଳତା ପରେ ରୋହିତ ଶେଟ୍ଟୀ ତାଙ୍କୁ ୫ ଲକ୍ଷ ଟଙ୍କାର ଏକ ଘଣ୍ଟା ଉପହାର ରୂପେ ଦେଇଥିଲେ।
