ଭୁବନେଶ୍ୱର,୨୭।୩: ଦେଶର ପ୍ରମୁଖ ମେଟାଲର୍ଜିକାଲ ଗ୍ରେଡର ଆଲୁମିନାର ଉପତ୍ାଦକ ବେଦାନ୍ତ ଆଲୁମିନିୟମ ପକ୍ଷରୁ ନିକଟରେ ଏକ ସ୍ବେଚ୍ଛାକୃତ ରକ୍ତଦାନ ଶିବିର ଆୟୋଜନ କରାଯାଇଥିଲା। ବିଶେଷକରି କମ୍ପାନୀର ଓଡ଼ିଶା ୟୁନିଟ ଲାଞ୍ଜିଗଡ ଏବଂ କଳାହାଣ୍ଡି ଜିଲା ଓଡ଼ିଶା ବ୍ଲଡ ସେଣ୍ଟରର ମିଳିତ ସହଯୋଗରେ ଉକ୍ତ ଶିବିର ଅନୁଷ୍ଠିତ ହୋଇଯାଇଛି। ଏହି ପରିପ୍ରେକ୍ଷୀରେ ବେଦାନ୍ତ ଆଲୁମିନିୟମର କର୍ମଚାରୀ, କର୍ମଚାରୀଙ୍କ ପରିବାର ସଦସ୍ୟ ଓ କମ୍ପାନୀର ବ୍ୟବସାୟିକ ସହଯୋଗୀମାନେ ଉକ୍ତ ଶିବିରରେ ଯୋଗଦେଇ ସ୍ବେଚ୍ଛାକୃତ ରକ୍ତଦାନ କରିଥିଲେ। ଏପରିକି ଉକ୍ତ ଶିବିର ଜରିଆରେ ୨୦୦ ୟୁନିଟରୁ ଅଧିକ ରକ୍ତ ସଂଗୃହୀତ ହୋଇଥିଲା।
ଉଲ୍ଲେଖଯୋଗ୍ୟ ଯେ ଚଳିତ ଆର୍ଥିକ ବର୍ଷ ମଧ୍ୟରେ ବେଦାନ୍ତ ଆଲୁମିନିୟମ ୫୦୦ ୟୁନିଟରୁ ଅଧିକ ରକ୍ତ ସଂଗ୍ରହ କରିଥିବା ଜଣାପଡିଛି।
ଏ ସମ୍ପର୍କରେ ବେଦାନ୍ତ ଲିମିଟେଡର ସିଇଓ (ଆଲୁମିନା ବିଜ୍ନେସ) ଜି.ଜି.ପାଲ୍ କହିଛନ୍ତି, ଏଭଳି ଏକ ଶିବିରର ଆୟୋଜନ କରି ଆମେ ବେଶ ଉତ୍ସାହିତ ଅଛୁ। ବିଶେଷ କରି ରକ୍ତଦାନ ହେଉଛି ଏକ ମହତ ଦାନ, ଯାହା ଜୀବନ ରକ୍ଷା ଲାଗି ମହତ୍ତ୍ୱପୂର୍ଣ୍ଣ । ଉକ୍ତ ପ୍ରୟାସରେ ଆମେ ସର୍ବଦା ଅଂଶଗ୍ରହଣ କରି ଖୁସି ଅନୁଭବ କରିଥାଉ। ଉକ୍ତ ଶିବିରକୁ ସଫଳ କରିବା ପାଇଁ ଆମର କର୍ମଚାରୀ ଓ ସେମାନଙ୍କ ପରିବାର ଏବଂ ବ୍ୟବସାୟୀ ସହଭାଗୀ ଆଗେଇ ଆସିଥିବାରୁ ସେମାନଙ୍କୁ ଧନ୍ୟବାଦ ଜଣାଉଛି। ସେହିଭଳି ସ୍ଥାନୀୟ ଗୋଷ୍ଠୀର ସ୍ବାସ୍ଥ୍ୟ ସେବା ଓ ସେମାନଙ୍କ ସର୍ବବିଧ କଲ୍ୟାଣ ପାଇଁ ଆମେ ସର୍ବଦା ନିଜର ହସ୍ତକ୍ଷେପକୁ ଜାରି ରଖିବୁ ବୋଲି ପାଲ୍ ମତପ୍ରକାଶ କରିଛନ୍ତି।
