ଭୁବନେଶ୍ୱର,୩।୩: ରାଜ୍ୟ ସଭା ନିର୍ୱାଚନ ନେଇ ବିଜେଡି ସଂତୃପ୍ତ ମିଶ୍ରଙ୍କ ନାମ ଘୋଷଣା କରିଥିବା ବେଳେ କମନ ପ୍ରାର୍ଥୀ ଭାବେ ଦତ୍ତେଶ୍ୱର ହୋତାଙ୍କ ନାମ ମଧ୍ୟ ଘୋଷଣା କରିଛି । ସେପଟେ ଆଜି ଭାଜପା ତରଫରୁ ରାଜ୍ୟ ସଭାପତି ମନମୋହନ ସାମଲ ଓ ସୁଜିତ କୁମାରଙ୍କ ନାମ ମଧ୍ୟ ଘୋଷଣା କରିଛି । ଏସବୁ ଭିତରେ ଦିଲ୍ଲୀପ ରାୟ ସ୍ୱାଧୀନ ଭାବେ ରାଜ୍ୟ ସଭା ଯିବେ ବୋଲି କହିଛନ୍ତି।
ଦିଲୀପ ରାୟ ରାଜ୍ୟ ସଭା ମଇଦାନକୁ ଓହ୍ଲାଇବା ପରେ ଲଢ଼େଇ ଜୋରଦାର ହେବା ନେଇ ଚର୍ଚ୍ଚା ହେଉଛି। ଚର୍ଚ୍ଚା ହେଉଛି ରାଜ୍ୟ ସଭା ନିର୍ୱାଚନରେ ଏବେ ୪ର୍ଥ ଆସନ ପାଇଁ ଘୋଡ଼ା ବେପାର ହୋଇପାରେ। ବେଶ ଅଭିଜ୍ଞ ଦଲୀପଙ୍କୁ ନେଇ ଶାସକ ଭାଜପା ଆଶାବାଦୀ ରହିଛି। ଅତୀତରେ ବିଜେଡିକୁ ଚକମା ଦେଖାଇ ଦିଲୀପ ରାଜ୍ୟ ସଭା ଯାଇଛନ୍ତି। ଏପରି ସ୍ଥିତିରେ ବିଜେଡି-କଂଗ୍ରେସ ମିଳିତ ପ୍ରାର୍ଥୀଙ୍କୁ ନେଇ ସସ୍ପେନ୍ସ ଜାରି ରହିଛି। ବିଜେଡି-କଂଗ୍ରେସର ମିଳିତ ପ୍ରାର୍ଥୀ ହେଉଛନ୍ତି ଡା. ଦତ୍ତେଶ୍ୱର ହୋତା। ଦତ୍ତେଶ୍ୱରଙ୍କୁ ନବୀନ କମନ କ୍ୟାଣ୍ଡିଡେଟ କରିବା ପରେ କଂଗ୍ରେସ ସମର୍ଥନ ଦେଇଛି। ତେଣୁ ଚତୁର୍ଥ ଆସନରେ ଦିଲୀପ ନା ଦତ୍ତେଶ୍ୱର ଜିତିବେ ଚର୍ଚ୍ଚା ଆରମ୍ଭ ହୋଇଛି।
ସ୍ୱାଧୀନ ପ୍ରାର୍ଥୀ ହେବା ନେଇ ବରିଷ୍ଠ ନେତା ଦିଲୀପ ରାୟ ଘୋଷଣା କରିଛନ୍ତି। ସେ ୫ ତାରିଖରେ ନାମାଙ୍କନ ଭରିପାରନ୍ତି। ଏନେଇ ଦିଲୀପ କହିଛନ୍ତି, ମୁଁ ଏନେଇ ରାଜ୍ୟ ଓ କେନ୍ଦ୍ର ନେତୃତ୍ୱଙ୍କ ସହ ଆଲୋଚନା କରିଛି।
ତେବେ ପୂର୍ୱରୁ ଥରେ ବିଜେଡିକୁ ଚକମା ଦେଇ ରାଜ୍ୟ ସଭା ଯିବାର ଅଭିଜ୍ଞତା ରହିଛି। ଆଲୋଚନା ହେଉଛି କି ଦିଲୀପଙ୍କୁ ଭାଜପା ସମର୍ଥନ କରିପାରେ । କୁହାଯାଉଛି ଯେ ଦତ୍ତେଶ୍ୱରଙ୍କ ସହ ଦିଲୀପଙ୍କ ହୋଇପାରେ ଜୋରଦାର ଲଢେଇ। ରାଜ୍ୟ ସଭାର ୪ର୍ଥ ଆସନରେ ହୋଇପାରେ ରୋଚକ ଲଢେଇ।
ଏହାସହ ରାଜ୍ୟ ସଭା ସଂଖ୍ୟା ଗଣିତ କହୁଛି କି, ଭାଜପା ପାଖରେ ବଳକା ରହୁଥିବା ୨୦ ଜଣ ବିଧାୟକଙ୍କ ଭୋଟ ଦିଲୀପ ରାୟଙ୍କ ସମର୍ଥନରେ ଯିବ । ହେଲେ ବାକି ୧୦ ଜଣ ବିଧାୟକଙ୍କ ଭୋଟ ଦିଲୀପଙ୍କୁ ଯୋଗାଡ଼ କରିବାକୁ ପଡ଼ିବ । ସେପଟେ ବିଜେଡିର ୨ ଜଣ ବିଦ୍ରୋହୀ ବିଧାୟକଙ୍କ ଭୋଟ ଯଦି ଦିଲୀପଙ୍କ ସମର୍ଥନରେ ଯାଉଛି ତେବେ ବାକି ଭୋଟ ଯୋଗାଡ଼ କରିବାକୁ ଜୋରଦାର ଘୋଡ଼ା ବ୍ୟାପାର ହୋଇପାରେ ବୋଲି ଏବେଠାରୁ ଆଲୋଚନା ଜୋରି ଧରିଲାଣି ।
