ଧାନ କିଣାରେ ଅବ୍ୟବସ୍ଥାକୁ ନେଇ ଭାଜପା କର୍ମୀଙ୍କ ରାସ୍ତାରୋକୋ
3:13 pmFebruary 13, 2021February 13, 2021 / 43

ବଲାଙ୍ଗୀର ଅଫିସ, ୧୩।୨: ଧାନ କିଣାରେ ଅବ୍ୟବସ୍ଥାକୁ ନେଇ ବଲାଙ୍ଗୀର ସହର ଗାନ୍ଧୀନଗରପଡା ୨୬ ନମ୍ବର ଜାତୀୟ ରାଜପଥର ବଲାଙ୍ଗୀର-ସମ୍ବଲପୁର ରୋଡକୁ ଭାଜପା ପକ୍ଷରୁ ୩ ଘଣ୍ଟା ବନ୍ଦକରାଯାଇଛି। ସକାଳ ୧୦ ଟାରୁ ମଧ୍ୟାହ୍ନ ୧ଟା ପର୍ଯ୍ୟନ୍ତ ଏହି ଆନ୍ଦୋଳନ ହୋଇଥିଲା । ଏହି ୩ ଘଣ୍ଟା ଆନ୍ଦୋଳନରେ ଯାହା ରାଜସ୍ବ କ୍ଷତି ହେବ ଏଥିପାଇଁ ରାଜ୍ୟ ସରକାର ଦାୟୀ ହେବେ ବୋଲି ଦଳ ପକ୍ଷରୁ କୁହାଯାଇଛି । ଭାଜପା ନେତ୍ରୀ ପଙ୍କଜିନି ପଣ୍ଡାଙ୍କ ନେତୃତ୍ୱରେ ଗାନ୍ଧୀନଗର ପଡାଛକଠାରେ ଭାଜପା କର୍ମୀମାନେ ଉପସ୍ଥିତ ରହି ରାସ୍ତାରୋକ କରି ପ୍ରତିବାଦ କରିଛନ୍ତି। ଏହା ଫଳରେ ଯାନବାହାନ ଚଳାଚଳରେ ବ୍ୟାହତ ସୃଷ୍ଟି ହୋଇଥିବା ବେଳେ ସାଧାରଣ ଲୋକେ ଅସୁବିଧାର ସମୁଖୀନ ହୋଇଥିଲେ।