ଭୁବନେଶ୍ବର,୧୮।୧୨: ଆଜି ଭାଜପା ବିଧାୟକ ଦଳର ଗୁରୁତ୍ବପୂର୍ଣ୍ଣ ବୈଠକ ବସିଥିଲା । ତେବେ ଆଜି ବୈଠକ ପରେ ଶାସକ ଦଳର ବିଧାୟକମାନେ ମୁଖ୍ୟମନ୍ତ୍ରୀଙ୍କୁ ଭେଟିଥିଲେ । ବିଧାୟକଙ୍କ ଦରମା ବୃଦ୍ଧି ପ୍ରସଙ୍ଗରେ ପୁର୍ନବିଚାର କରିବା ପାଇଁ ଦାବି କରିଛନ୍ତି । ମୁଖ୍ୟମନ୍ତ୍ରୀଙ୍କୁ ଲିଖିତ ଭାବେ ଭାଜପା ବିଧାୟକମାନେ ପ୍ରସ୍ତାବ ଦେଇଛନ୍ତି ।
କହିରଖୁଛୁକି, ଓଡ଼ିଶାରେ ବିଧାୟକଙ୍କ ଦରମା ୩ଗୁଣ ବୃଦ୍ଧିକୁ ନେଇ ଚର୍ଚ୍ଚା ଜୋର ଧରିଛି । ଏହି ପ୍ରସଙ୍ଗକୁ ନେଇ ଅନେକ ମହଲରେ ଅସନ୍ତୋଷ ଦେଖାଯିବା ପରେ ଭାଜପା ବିଧାୟକମାନେ ଏହା ଉପରେ ପୁର୍ନବିଚାର କରିବା ପାଇଁ ଦାବି କରିଛନ୍ତି।
କହିରଖୁଛୁକି, ଶୀତକାଳୀନ ଅଧିବେଶନ ସମୟରେ ବିଧାୟକଙ୍କ ଦରମା ଏବଂ ଭତ୍ତା ବୃଦ୍ଧି ପାରିତ ହୋଇଥିଲା । ଭତ୍ତା ୧ ଲକ୍ଷରୁ ୩ ଲକ୍ଷ ୪୫ ହଜାରକୁ ବୃଦ୍ଧି ପାଇଥିଲା । ଦରମା ୩ ଗୁଣ ବୃଦ୍ଧି ପାଇବା ପରେ ଚର୍ଚ୍ଚା ବଢ଼ିଥିଲା । ପ୍ରଥମେ ପୂର୍ବତନ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ବର୍ଦ୍ଧିତ ଦରମା ନେବାକୁ ମନା କରିଦେଇଥିବା ବେଳେ ଏବେ ବିଜେପି ବିଧାୟକଙ୍କ ଦାବିର ପ୍ରଭାବ କଣ ପଡୁଛି ତାହା ଦେଖିବାକୁ ବାକି ରହିଥିଲା । ଏହାରି ଭିତରେ ସରକାର ପୁଣି ବିଧାୟକଙ୍କ ଦରମା କମାଇଦେବେ ବୋଲି ପୁଣି ଚର୍ଚ୍ଚା ହେଉଛି ।
