ଛତ୍ରପୁର, ୨୧।୪(ଦିଲ୍ଲୀପ ସାମଲ): ଛତ୍ରପୁର ଥାନା ଅଧିନ ଜାତୀୟ ରାଜପଥ ଭାଗ୍ୟଲକ୍ଷ୍ମୀ ନଗର ନିକଟରେ ସଡକ ଦୁର୍ଘଟଣା । ଏଥିରେ ସ୍ବାମୀ ଓ ସ୍ତ୍ରୀ ଗୁରୁତର ଆହତ ହୋଇଥିବା ବେଳେ ୨ବର୍ଷର ଶିଶୁ କନ୍ୟା ଅଳ୍ପକେ ବର୍ତ୍ତି ଯାଇଛନ୍ତି।
ସୂଚନାନୁଯାୟୀ, ଏକ ବାଇକ ଯୋଗେ ଗଞ୍ଜାମ ପରିବହନ ବିଭାଗରେ କାର୍ଯ୍ୟରତ ବିଶ୍ୱ ରଞ୍ଜନଙ୍କ ପରିବାର ନୟାଗଡରୁ ଛତ୍ରପୁର ଅଭିମୁଖେ ଆସୁଥିବା ବେଳେ ଭାଗ୍ୟଲକ୍ଷ୍ମୀନଗରଠାରେ ଭାରସ୍ୟାମ ହରାଇ ଏକ ଡିଭାଇଡର ସହ ଧକ୍କା ହୋଇଥିଲା । ଫଳରେ ତିନି ଜଣ ଛିଟିକି ପଡିଥିଲେ। ଚାଳକ ବିଶ୍ୱ ରଞ୍ଜନ ଓ ସ୍ତ୍ରୀ ସୁଷମା ପଣ୍ଡା ଗୁରୁତର ଆହତ ହୋଇଥିବା ବେଳେ ୨ବର୍ଷର ଶିଶୁ କନ୍ୟା ସାମାନ୍ୟ ଆଘାତ ଲାଗିଥିଲା । ଏହି ସମୟରେ ତୁରନ୍ତ ଦେବଦୂତ ସାଜିଥିଲେ ଛତ୍ରପୁର ଅଗ୍ନିଶମ ଅଧିକାରୀ ଧନୁଞ୍ଜୟ ମଲ୍ଲିକ। ସେ ଦୁଇ ଆହତଙ୍କୁ ଉଦ୍ଧାର କରି ଛତ୍ରପୁର ମେଡିକାଲ ସ୍ଥାନାନ୍ତର କରିଥିଲେ । ଗୁରୁତର ଥିବାରୁ ଉଭୟଙ୍କୁ ବ୍ରହ୍ମପୁର ମେଡିକାଲ ପଠାଯାଇଛି । ଶିଶୁ କନ୍ୟାକୁ ଅଗ୍ନିଶମ ଅଧିକାରୀ ସୁରକ୍ଷିତ ଭାବେ ରଖି ପରେ ପରିବହନ ବିଭାଗକୁ ହସ୍ତାନ୍ତର କରିଥିଲେ । ବର୍ତ୍ତମାନ ବିଶ୍ୱ ରଞ୍ଜନଙ୍କ ସ୍ତ୍ରୀଙ୍କର ବ୍ରହ୍ମପୁର ମେଡିକାଲରେ ଆଇୟୁସିରେ ଚିକିତ୍ସା ଜାରି ରହିଛି। ମୁଣ୍ଡକୁ ଆଘାତ ଲାଗିଥିବାରୁ ତାଙ୍କ ଅବସ୍ଥା ଗୁରୁତର ରହିଛି । ବିଶ୍ୱ ଗଞ୍ଜାମ ଅଗସ୍ତିନୁଆଗାଁ ସ୍ଥିତ ପରିବହନ କାର୍ଯ୍ୟାଳୟରେ ଡାଡା ଏଣ୍ଟ୍ରି କର୍ମଚାରୀ ଭାବେ କାର୍ଯ୍ୟ କରୁଛନ୍ତି।
Dharitri – Odisha’s No.1 Odia Daily