ପାଟନା,୧୯ ।୧୦: ବିହାର ବିଧାନସଭା ନିର୍ବାଚନ ପାଖେଇ ଆସୁଥିବା ବେଳେ ବିଭିନ୍ନ ରାଜନୈତିକ ଦଳ ପକ୍ଷରୁ ରାଲିମାନ ବି ଆୟୋଜନ କରାଯାଉଛି । ଯେଉଁଥିରେ ବଡ ବଡ ନେତା ସାମିଲ ହେବାର କାର୍ଯ୍ୟକ୍ରମ ରହିଛି । ଯେମିତିକି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, ସ୍ୱରାଷ୍ଟ୍ରମନ୍ତ୍ରୀ ଅମିତ ଶାହା, ଉତ୍ତର ପ୍ରଦେଶ ମୁଖମନ୍ତ୍ରୀ ଯୋଗୀ ଆଦିତ୍ୟନାଥ ଆଦି । ଏମାନଙ୍କ ରାଲିକୁ ନେଇ ବିହାରରେ ସୁରକ୍ଷା ବ୍ୟବସ୍ଥା କଡାକଡି କରାଯାଇଥିବା ବେଳେ ଆତଙ୍କବାଦୀ ଆକ୍ରମଣ ହେବାର ସମ୍ଭାବନାକୁ ବି ଏଡାଇ ଯାଇ ପାରି ନାହିଁ । ଏମତି କିଛି ହାଇ ପ୍ରୋଫାଇଲ ନେତାଙ୍କ ସୁରକ୍ଷାକୁ ଦୃଷ୍ଟିରେ ରଖି ପୋଲିସ ମୁଖ୍ୟାଳୟରୁ ଏ ସମ୍ପର୍କରେ ସୂଚନା ଜାରି କରାଯାଇଛି । ଏହାସହ ସମସ୍ତ ରେଞ୍ଜ ଆଇଜି, ଡିଆଇଜି ଓ ଜିଲା ଏସ୍ପିଙ୍କୁ ମଧ୍ୟ ଏ ସମ୍ପର୍କରେ ସୂଚନା ଦିଆଯାଇଛି । ସୂଚନାଯୋଗ୍ୟ, କିଛିବର୍ଷ ପୂର୍ବରୁ ପାଟନାର ଗାନ୍ଧୀ ମଇଦାନରେ ପ୍ରଧାନମନ୍ତୀ ନରେନ୍ଦ୍ର ମୋଦି ନିର୍ବାଚନ ରାଲିରେ ଯୋଗ ଦେଇଥିବା ବେଳେ ସିରିଏଲ ବ୍ଲାଷ୍ଟ ହୋଇଥିଲା । ତେଣୁ ଏଥର ବିହାର ନିର୍ବାଚନ ପ୍ରଚାରରେ ଆସୁଥିବା ଭିଆଇପି ନେତାଙ୍କ ସୁରକ୍ଷାକୁ ଦୃଷ୍ଟିରେ ରଖି ପୋଲିସ ସଜାଗ ରହିଛି ।
