ଟେଲିଭିଜନ ଜଗତର ବିବାଦୀୟ ଶୋ’ ବିଗ ବସ ୧୫ ଖୁବଶୀଘ୍ର ଆରମ୍ଭ ହେବାକୁ ଯାଉଛି। ଶୋ’ ପାଇଁ ସମସ୍ତ ପ୍ରସ୍ତୁତି ଶେଷ ହୋଇଛି। ବଲିଉଡର ସୁପରଷ୍ଟାର ସଲମାନ ଖାନ ପୁଣି ଥରେ ଏହି ଶୋ’ର ହୋଷ୍ଟ ଷ୍କରୁଥିବା ନଜର ଆସିବେ। ସଲମାନ ଖାନଙ୍କୁ ଏଥିପାଇଁ ଏକ ଫି ହିସାବରେ ବିପୁଳ ପରିମାଣର ଅର୍ଥ ପ୍ରଦାନ କରାଯିବ। ବିଗ ବସ ଓଟିଟି ଗତ ସେପ୍ଟେମ୍ବର ୧୮ରେ ଶେଷ ହୋଇଥିଲା। ବର୍ତ୍ତମାନ ଶୋ’ର କିଛି ସମୟ ପୂର୍ବରୁ ଟିଭିରେ ଦେଖାଯିବ।
ଗତ ୧୧ ସିଜିନରୁ ସଲମାନ କ୍ରମାଗତ ଭାବରେ ଏହି ଶୋ’ର ହୋଷ୍ଟ କରିଆସୁଛନ୍ତି। ପ୍ରଶଂସକଙ୍କ ତାଙ୍କ ହୋଷ୍ଟିଂ ଶୈକୁ ପସନ୍ଦ କରନ୍ତି। ସଲମାନ ‘ୱିକେଣ୍ଡ କା ଭାର୍’ରେ ପରିବାର ସଦସ୍ୟଙ୍କ ପାଇଁ କ୍ଲାସ ଆୟୋଜନ କରିବାକୁ ଆସନ୍ତି, ସେହି ଏପିସୋଡ ଗୁଡିକ ମଧ୍ୟ ବହୁତ ଲୋକପ୍ରିୟ ହୋଇଥାଏ। ଏହି କାରଣରୁ ସଲମାନ ସବୁବେଳେ ଶୋ’ ନିର୍ମାତାଙ୍କ ପ୍ରଥମ ପସନ୍ଦ ହୋଇଆସୁଛନ୍ତି। ଏଥର ମଧ୍ୟ ଶୋ’ ହୋଷ୍ଟିଂ ପାଇଁ ସଲମାନଙ୍କୁ ବିପୁଳ ପରିମାଣର ଅଫର ଦିଆଯାଇଛି। ଏଥର ସଲମାନଙ୍କୁ ୩୫୦ କୋଟି ଟଙ୍କା ଦିଆଯିବ।
ବିଗ ବସ ଶୋ ୧୪ ସପ୍ତାହ ପର୍ଯ୍ୟନ୍ତ ଚାଲିବ। ଏହି ପରିମାଣ ସଲମାନଙ୍କୁ ଏହି ୧୪ ସପ୍ତାହ ପାଇଁ ପ୍ରଦାନ କରାଯିବ। ଏହା ପୂର୍ବରୁ ଖବର କରାଯାଇଥିଲା ଯେ ସଲମାନ ଖାନ ଏଥର ନିର୍ମାତାଙ୍କଠାରୁ ତାଙ୍କ ଶୁଳ୍କ ୧୫ ପ୍ରତିଶତ ବୃଦ୍ଧି କରିବାକୁ ଦାବି କରିଛନ୍ତି। ଏହି ଶୋ ’ଆସନ୍ତା ମାସ ଅକ୍ଟୋବରରୁ ପ୍ରସାରିତ ହେବ। ଶୋ’ର ପ୍ରୋମୋ ସ୍ପଷ୍ଟ ଭାବରେ ଦର୍ଶାଉଛି ଯେ ଏଥର ଶୋ’ ମଧ୍ୟ ବହୁତ ଆକର୍ଷଣୀୟ ହେବାକୁ ଯାଉଛି।
