ବମ୍ବେ: ଖୁବ୍ଶୀଘ୍ର ଟେଲି ପରଦାକୁ ଫେରୁଛି ଲୋକପ୍ରିୟ ଶୋ’ ‘ବିଗ୍ବସ୍’। ଚତୁର୍ଦ୍ଦଶ ସଂସ୍କରଣରେ କେଉଁ ପ୍ରତିଯୋଗୀ ଭାଗନେବେ ତାହା ସ୍ଥିର ହୋଇସାରିଲାଣି। କେବଳ ପ୍ରିମିୟରକୁ ଅପେକ୍ଷା। ସବୁଥର ଭଳି ଦବଙ୍ଗ ଖାନ୍ ସଲମାନ ମୋଟା ଅଙ୍କର ପାଉଣା ନେଇ ଶୋ’କୁ ହୋଷ୍ଟ କରୁଛନ୍ତି। ଆସନ୍ତୁ ଜାଣିବା ସେଭଳି କିଛି ପ୍ରତିଯୋଗୀଙ୍କ ବିଷୟରେ।
ଜାସ୍ମିନ ଭାସିନ: ‘ନାଗିନ-୪’ ଅଭିନେତ୍ରୀ ଜାସ୍ମିନ ନିକଟରେ ‘ଖତରୋ କେ ଖିଲାଡ଼ି-ମେଡ ଇନ୍ ଇଣ୍ଡିଆ’ରେ ଭାଗ ନେଇଥିଲେ। ଏକାଧିକ ଥର ତାଙ୍କୁ ବିଗ୍ବସ୍ ପାଇଁ ଅଫର ମିଳିଥିଲେ ହେଁ ସେ ରାଜି ହେଉ ନ ଥିଲେ। ହେଲେ ଚଳିତ ଥର ସେ ହଁ ଭରିଥିବା କୁହାଯାଉଛି।
ପବିତ୍ରା ପୁନିୟା: ବିଗ୍ବସ୍-୧୩ର ପ୍ରତିଯୋଗୀ ଥିବା ପାରସ ଛାବଡ଼ାଙ୍କ ସହ ସମ୍ପର୍କକୁ ନେଇ ଚର୍ଚ୍ଚାକୁ ଆସିଥିଲେ ପବିତ୍ରା। ଚଳିତ ଥର ସେ ବିଗ୍ବସ୍ରେ ଯୋଗ ଦେଇପାରନ୍ତି।
ନେହା ଶର୍ମା: ବିଗ୍ବସ୍ର ଚଳିତ ସଂସ୍କରଣରେ ଅଭିନେତ୍ରୀ ତଥା ମଡେଲ ନେହା ଶର୍ମା ସାମିଲ ହେବେ। ନେହା ନିକଟରେ ସିର୍ଦ୍ଧାର୍ଥ ଶୁକ୍ଳାଙ୍କ ସହ ଏକ ଭିଡିଓରେ ନଜର ଆସିଥିଲେ।
ଇଜାଜ ଖାନ: ଟେଲି ପରଦାର ଲୋକପ୍ରିୟ ଚେହେରା ଇଜାଜ ଖାନ ବିବାଦର ଅନ୍ୟନାମ ବୋଲି କୁହାଯାଏ। ସେ ଅଭିନେତ୍ରୀ ଅନିତା ହସନନ୍ଦାନୀଙ୍କୁ ପ୍ରେମ କରୁଥିଲେ। ହେଲେ ପରେ ଉଭୟ ଅଲଗା ହୋଇଯାଇଥିଲେ। ଇଜାଜ ବିଗ୍ବସ୍ ୧୪ରେ ନଜର ଆସିବେ।
ନୈନା ସିଂହ: ସ୍ପିଲ୍ଟସ୍ଭିଲା ବିଜେତା ନୈନା ଚଳିତ ଥର ବିଗ୍ବସ ପ୍ରତିଯୋଗୀ ଭାବେ ନଜର ଆସିପାରନ୍ତି।
ସ୍ନେହା ଉଲାଲ: ଅଭିନେତ୍ରୀ ଐଶ୍ୱର୍ଯ୍ୟା ରାୟଙ୍କ ଭଳି ଦେଖାଯାଉଥିବା ସ୍ନେହା ଉଲାଲ ବିଗ୍ବସ୍ରେ ନଜର ଆସିପାରନ୍ତି। ସେ ସଲମାନଙ୍କ ସହ ନିଜର ପ୍ରଥମ ଫିଲ୍ମ କରିଥିଲେ। ହେଲେ ପରେ ଗାୟବ ହୋଇଯାଇଥିଲେ। ଏବେ ସେ ପୁଣି ଅଭିନୟକୁ ଫେରିବାକୁ ନିଷ୍ପତ୍ତି ନେଇଛନ୍ତି।
କୁମାର ଜାନୁ: ଗାୟକ କୁମାର ସାନୁଙ୍କ ପୁଅ କୁମାର ଜାନୁ ବିଗ୍ବସ୍ ଘରକୁ ଆସିପାରନ୍ତି। ନିର୍ମାତାମାନେ ଆଦିତ୍ୟ ନାରାୟଣଙ୍କୁ ଶୋ’କୁ ଆସିବାକୁ ନିମନ୍ତ୍ରଣ ଦେଇଥିଲେ। ହେଲେ ସେ ମନା କରିବା ପରେ କୁମାର ଜାନୁଙ୍କ ସହ ଚୁକ୍ତି ହୋଇଛି।
