ନୂଆଦିଲ୍ଲୀ,୪ା୮: ଆସନ୍ତା ମାସରେ ଜାପାନରେ ହେବାକୁ ଥିବା ଏସିଆନ ଗେମ୍ସରେ ଭାରତର ୧୧୦ ମି. ହର୍ଡଲ୍ସ ଷ୍ଟାର ତେଜସ ଶୀର୍ସେ ପ୍ରତିଦ୍ୱନ୍ଦ୍ୱିତା କରିବେ ନାହିଁ। ଏ ନେଇ ଶୀର୍ସେ ମଙ୍ଗଳବାର ସ୍ପଷ୍ଟ କରିଛନ୍ତି। ବାମ ପାଦରେ ଦୁଇଟି ଷ୍ଟ୍ରେସ୍ ପ୍ରାକଚର ସତ୍ତ୍ୱେ ନିକଟରେ ଶେଷ ହୋଇଥିବା ରାଜ୍ୟଗୋଷ୍ଠୀ କ୍ରୀଡ଼ାରେ ଭାଗ ନେବା କାରଣରୁ ତାଙ୍କ ସମସ୍ୟା ବୃଦ୍ଧି ପାଇଛି।
ଶୀର୍ସେ ପ୍ରଥମ ଭାରତୀୟ ଭାବେ ରାଜ୍ୟଗୋଷ୍ଠୀ କ୍ରୀଡ଼ାର ୧୧୦ ମି. ହର୍ଡଲ୍ସ ଫାଇନାଲରେ ପ୍ରବେଶ କରିଥିଲେ। କିନ୍ତୁ ଅତ୍ୟଧିକ ଟେପ ବାନ୍ଧି ଦୌଡ଼ିଥିବା ଶୀର୍ସେ ୮ ଧାବକ ବିଶିଷ୍ଟ ଫାଇନାଲରେ ଅନ୍ତିମ ସ୍ଥାନରେ ରହିଥିଲେ।
ପୋଷ୍ଟ ମୋତେ କଦାପି କରିବାକୁ ପଡ଼ିବ ଚିନ୍ତା କରି ନ ଥିଲି। ମୁଁ ହାତରେ ପଦକ ଧରି ପୋଷ୍ଟ କରିବି ଚିନ୍ତା କରିଥିଲି। ଏବେ ମୋତେ ଜିତିବା ପାଇଁ ପ୍ରସ୍ତୁତି କରିବାର ଥିଲା। କିନ୍ତୁ ମୁଁ ଏବେ ଏମ୍ଆରଆଇ ରିପୋର୍ଟ ଧରିଛି। ବାମ ପାଦରେ ଦୁଇଟି ଷ୍ଟ୍ରେସ ଫ୍ରାକଚର ହୋଇଛି। ଏଥିଯୋଗୁ ମୋ ସିଜନ ଶେଷ ହୋଇଛି। ସବୁଠୁ ଦୁଃଖର ବିଷୟ ହେଉଛି, ମୁଁ ଏସିଆନ ଗେମ୍ସ ପାଇଁ ଯୋଗ୍ୟତା ହାସଲ କରିବା ସତ୍ତ୍ୱେ ରେସର ଷ୍ଟାର୍ଟିଂ ଲାଇନରେ ଛିଡ଼ା ହୋଇପାରିବି ନାହିଁ। ଇଞ୍ଜୁରି କାରଣରୁ ମୁଁ ୯ଟି ବୃହତ ପ୍ରତିଯୋଗିତା ମିସ କରିସାରିଛି। ଆଜି ମୋ ପାଖରେ ପ୍ରତ୍ୟାବର୍ତ୍ତନର କାହାଣୀ ନାହିଁ। ମୁଁ ଏବେ ଯନ୍ତ୍ରଣାରେ ଅଛି’ ବୋଲି ସେ ପୋଷ୍ଟ କରିଛନ୍ତି।
