ବିଗ୍ ବି ଅମିତାଭ ବଚ୍ଚନ ସୋସିଆଲ ମିଡିଆରେ ବେଶ୍ ସକ୍ରିୟ। ସେ ପ୍ରାୟତଃ ସୋସିଆଲ ମିଡିଆରେ ବଲିଉଡ ଫିଲ୍ମର ଟ୍ରେଲର୍ ଏବଂ ଗୀତ ଶେୟାର କରି ତାକୁ ପ୍ରଶଂସା କରିଥାନ୍ତି। ନିକଟରେ ସେ ଅଭିନେତ୍ରୀ କଙ୍ଗନା ରାଣାୱତଙ୍କ ଆଗାମୀ ଫିଲ୍ମ ‘ଧାକାଡ’ର ପ୍ରଥମ ଗୀତ ଶେୟାର କରିଥିଲେ। ଅବଶ୍ୟ କିଛି ସମୟ ପରେ ସେ ଏହି ପୋଷ୍ଟକୁ ଡିଲିଟ୍ କରିଦେଇଥିଲେ। ଏହାକୁ ନେଇ ବେଶ୍ ଚର୍ଚ୍ଚା ହୋଇଥିଲା। ତେବେ ଅମିତାଭ କାହିଁକି ଏପରି କରିଥିଲେ ତାହା ଏବେ ପ୍ରକାଶ କରିଛନ୍ତି।
କଙ୍ଗନାଙ୍କ ‘ଧାକାଡ’ର ଗୀତ ଶେୟାର କରି ଅମିତାଭ ବଚ୍ଚନ ଲେଖିଥିଲେ, ଏହା ନିଆଁ ଲଗାଉଛି। ପରେ ତାହାକୁ ଡିଲିଟ୍ କରିଥିଲେ।
ବର୍ତ୍ତମାନ ଅମିତାଭ ତାଙ୍କ ବ୍ଲଗରେ ଲେଖିଛନ୍ତି, ଭାରତ ସରକାର ଏବଂ ବିଜ୍ଞାପନ ମାନକ ପରିଷଦ, ଭାରତର କଡା ନିୟମ ଏବଂ ନିର୍ଦ୍ଦେଶାବଳୀ ରହିଛି। ସୋସିଆଲ ମିଡିଆରେ ସେ ଏକ ନୂତନ ଟର୍ମ ଇନ୍ଫ୍ଲୁଏନ୍ସର୍ସ ଦେଇଛନ୍ତି, ଯେଉଁମାନେ ଏକ ପ୍ରଡକ୍ଟର ପ୍ରମୋଶନ କରନ୍ତି, ସେମାନଙ୍କୁ ଏହା କହିବାକୁ ପଡ଼ିବ ଯେ, ସେମାନେ ଏହି ପ୍ରଡକ୍ଟ ସହିତ ପାର୍ଟନରଶିପ୍ ଅଛନ୍ତି। ନଚେତ ଏହାକୁ ବେଆଇନ ଭାବେ ବିବେଚନା କରାଯିବ। ମୋର ଅନେକ ପୋଷ୍ଟରେ ନୋଟିସ ଦିଆଯାଇଛି ଯେ, ସେଗୁଡିକ ପରିବର୍ତ୍ତନ କରାଯାଉ। ଏହି କାରଣ ପାଇଁ ଅମିତାଭ, କଙ୍ଗନାଙ୍କ ଫିଲ୍ମର ଗୀତ ପୋଷ୍ଟକୁ ଡିଲିଟ୍ କରି ଦେଇଛନ୍ତି ବୋଲି କୁହାଯାଉଛି।
