ନିରାକାରପୁର,୧୪।୧୦(ଡି.ଏନ୍.ଏ.)- ନିରାକାରପୁର ପଞ୍ଚାୟତରେ ଥିବା ପୁରାତନ କ୍ଷେତ୍ରବାସୀ ଡିଏଭି କଲେଜରେ ବୁଧବାର ଏକ ଶ୍ରେଣୀଗୃହ ଭୁଶୁଡ଼ି ପଡ଼ିଛି। ସୂଚନା ଥାଉ କି, ଲଘୁଚାପଜନିତ ଲଗାଣ ବର୍ଷା ଲାଗିରହିଥିବାରୁ ବୁଧବାର ଭୋରୁ ଏହି କଲେଜ ପରିସରରେ ଥିବା ସୁଇମିଂ ପୋଲ ସାମ୍ନାରେ ଥିବା ପୁରାତନ ଆଜବେଷ୍ଟସ୍ ଘରର ପୂର୍ବପଟ କାନ୍ଥ ସମ୍ପୂର୍ଣ୍ଣ ଭୁଶୁଡି ପଡ଼ିଥିଲା। ଫଳରେ କଲେଜ ମୁଖ୍ୟ ରାସ୍ତା ଅବରୋଧ ହୋଇଥିଲା। ପରେ ଏହି ରାସ୍ତା ଦେଇ କେତେଜଣ ଲୋକ ମର୍ନିଂ ଓ୍ବାକରେ ଯାଇଥିବାବେଳେ ପାଚେରି ଭାଙ୍ଗି ପଡ଼ିଥିବା ଦେଖି କଲେଜ କର୍ତ୍ତୃପକ୍ଷଙ୍କୁ ଜଣାଇଥିଲେ। ଖବରପାଇ କଲେଜ ଅଧ୍ୟକ୍ଷ ଅଶୋକ କୁମାର ବଳବନ୍ତରାୟଙ୍କ ପହଞ୍ଚତ୍ କେତେଜଣ କର୍ମଚାରୀଙ୍କୁ କହି ଜେସିବି ଲଗାଇ ସେହି ସ୍ଥାନଟି ସଫା କରିଥିଲେ। ଏ ନେଇ ଅଧ୍ୟକ୍ଷ ବଳବନ୍ତରାୟ କହିଛନ୍ତି, ସେ ଘରଟି ପୁରୁଣା ହୋଇଯାଇଥିବାରୁ କଲେଜର ଭଙ୍ଗା ସାମଗ୍ରୀ ରଖାଯାଉଥିଲା। ଏବେ ତାକୁ ପାଚେରି କରିଦେବୁ।
