ଭୋପାଳ,୨୧।୧୧: ମଧ୍ୟପ୍ରଦେଶର ଦୁଇଟି ବଡ ମହାନଗର ଇନ୍ଦୋର ଏବଂ ଭୋପାଳରେ ପୋଲିସ କମିଶନର ବ୍ୟବସ୍ଥା ଲାଗୁ ହେବ। ମୁଖ୍ୟମନ୍ତ୍ରୀ ଶିବରାଜ ସିଂ ଚୌହାନ ରବିବାର ଏହି ଘୋଷଣା କରିଛନ୍ତି। ଏହି ଘୋଷଣା ସହିତ ଆଇପିଏସ ଅଧିକାରୀଙ୍କ ପୁରୁଣା ଦାବି ପୂରଣ ହୋଇଛି। ମଧ୍ୟପ୍ରଦେଶ ଆଇପିଏସ ଆସୋସିଏଶନର ଅଧିକାରୀମାନେ ମଧ୍ୟ ଏହି ଦାବି ସମ୍ପର୍କରେ ୨୦୧୯ରେ ତତ୍କାଳୀନ ମୁଖ୍ୟମନ୍ତ୍ରୀ କମଲ ନାଥଙ୍କୁ ଭେଟି ଅବଗତ କରାଇଥିଲେ। ପ୍ରାୟ ଦୁଇ ଦଶନ୍ଧି ଧରି ଅଟକି ରହିଥିବା ପୋଲିସ କମିଶନର ବ୍ୟବସ୍ଥାକୁ ୨୦୨୦ ଅଗଷ୍ଟ ୧୫ରେ ଲାଗୁ କରାଯିବାର ଥିଲା। ସେତେବେଳେ ଘୋଷଣାକୁ ସ୍ଥଗିତ ରଖାଯାଇଥିଲା। ପୋଲିସ ମୁଖ୍ୟାଳୟ ଅନେକ ଥର ପୋଲିସ କମିଶନର ବ୍ୟବସ୍ଥା ପାଇଁ ସ୍ବରାଷ୍ଟ୍ର ବିଭାଗକୁ ଏକ ପ୍ରସ୍ତାବ ପଠାଇଥିଲେ।
ପୋଲିସ କମିଶନର ବ୍ୟବସ୍ଥାର ପିରାମିଡରେ, ପୋଲିସ ମହାନିର୍ଦ୍ଦେଶକ ପଦବୀ ଅଧିକାରୀ, ପୋଲିସର ଅତିରିକ୍ତ ମହାନିର୍ଦ୍ଦେଶକ, ଏଡିଜିଙ୍କୁ ପୋଲିସ କମିଶନର କରାଯାଇପାରିବ। ତଳେ ଏଡ଼ିଜି କିମ୍ବା ଆଇଜି ସ୍ତରର ଦୁଇ ଯୁଗ୍ମ ପୋଲିସ କମିଶନର ରହିବେ। ପିରାମିଡରେ ଅତିରିକ୍ତ ପୋଲିସ କମିଶନର ରହିବେ। ଏହାର ଦାୟିତ୍ୱ ଆଇଜି ଅବା ଡିଆଇଜି କିମ୍ବା ଡିଜି ସ୍ତରର ଅଧିକାରୀମାନଙ୍କୁ ଦିଆଯିବ। ଡେପୁଟି ପୋଲିସ କମିଶନର ଡିଜି କିମ୍ବା ଏସପି ସ୍ତରର ଅଫିସରଙ୍କୁ ପ୍ରଦାନ କରାଯିବ। ଜୁନିଅର ଆଇପିଏସ କିମ୍ବା ବରିଷ୍ଠ ଏସପିଏସ ଅଧିକାରୀଙ୍କୁ ଆସିଷ୍ଟାଣ୍ଟ ପୋଲିସ କମିଶନର କରାଯାଇପାରିବ।
ରବିବାର ସକାଳେ ମୁଖ୍ୟମନ୍ତ୍ରୀ ଶିବରାଜ ସିଂ ଚୌହାନ କହିଛନ୍ତି ଯେ ରାଜ୍ୟରେ ଆଇନ ଶୃଙ୍ଖଳା ପରିସ୍ଥିତି ଭଲ ରହିଛି। ପୋଲିସ ବିଭାଗ ଭଲ କାମ ମଧ୍ୟ କରୁଛି। ପୋଲିସ ଏବଂ ପ୍ରଶାସନ ମିଳିତ ଭାବେ ଅନେକ ସଫଳତା ହାସଲ କରିଛନ୍ତି, କିନ୍ତୁ ସହରର ଜନସଂଖ୍ୟା ଦ୍ରୁତ ଗତିରେ ବୃଦ୍ଧି ପାଉଛି। ମହାନଗର ମଧ୍ୟ ଭୌଗୋଳିକ ସ୍ତରରେ ବିସ୍ତାର କରୁଛି ଏବଂ ଜନସଂଖ୍ୟା ମଧ୍ୟ କ୍ରମାଗତ ଭାବରେ ବୃଦ୍ଧି ପାଉଛି। ଏହି କାରଣରୁ ଆଇନ ଏବଂ ବ୍ୟବସ୍ଥାର କିଛି ନୂତନ ସମସ୍ୟା ଉପୁଜୁଛି। ସେସବୁର ସମାଧାନ କରିବା ଏବଂ ଅପରାଧୀଙ୍କୁ ନିୟନ୍ତ୍ରଣ କରିବା ପାଇଁ ନିଷ୍ପତ୍ତି ଗ୍ରହଣ କରାଯାଇଛି।
