ନୂଆଦିଲ୍ଲୀ,୬।୧୦: ଏୟାରଟେଲ ଏବଂ ଏରିକ୍ସନ ପକ୍ଷରୁ ଭାରତର ପ୍ରଥମ ୫ଜି ନେଟୱର୍କର ପରୀକ୍ଷଣ କରାଯାଇଛି। ଟେଲିକମ ବିଭାଗ ଦ୍ୱାରା ଏୟାରଟେଲକୁ ଦିଆଯାଇଥିବା ୫ଜି ପରୀକ୍ଷଣ ସ୍ପେକ୍ଟ୍ରମର ବ୍ୟବହାର କରି ଦିଲ୍ଲୀ ଏନ୍ସିଆର୍ ଉପକଣ୍ଠରେ ଥିବା ଭଇପୁର ବ୍ରମାନନ୍ ଗ୍ରାମରେ ଏହି ପରୀକ୍ଷଣ କରାଯାଇଥିଲା। ପରୀକ୍ଷା ସ୍ଥାନରୁ ୧୦ କିମି ପର୍ଯ୍ୟନ୍ତ ପରିସୀମାରେ ୧୦୦ ଏମ୍ବିପିଏସ୍ ସ୍ପିଡ୍ରେ ଇଣ୍ଟରନେଟ୍ ଚାଲୁଥିବା ଜଣାପଡ଼ିଛି।
ଉନ୍ନତ ମୋବାଇଲ ବ୍ରଡବ୍ୟାଣ୍ଡ(ଇଏମ୍ବିବି) ଏବଂ ଫିକ୍ସଡ ୱାୟରଲେସ ଆକସେସ୍ (ଏଫଡବବ୍ଲ୍ୟୁଏ) ସେବା ଭଳି ସମାଧାନ ମାଧ୍ୟମରେ ହାଇ ସ୍ପିଡ ବ୍ରଡବ୍ୟାଣ୍ଡର ପହଞ୍ଚକୁ ସକ୍ଷମ କରି ଡିଜିଟାଲ ବିଭାଜନକୁ ଦୂର କରିବା ଦିଗରେ ଏଭଳି ପଦକ୍ଷେପ ସହାୟକ ହେବ ବୋଲି କମ୍ପାନୀ କହିଛି। ଏହା ଦ୍ୱାରା ଦୂରଦୂରାନ୍ତ ସ୍ଥାନଗୁଡ଼ିକରେ ମଧ୍ୟ ହାଇ ସ୍ପିଡ୍ ବ୍ରଡବ୍ୟାଣ୍ଡ୍ କଭରେଜ ଯୋଗାଯାଇପାରିବ। ଏ ସମ୍ପର୍କରେ ଏୟାରଟେଲ ସିଟିଓ ରନ୍ଦୀପ ସିଙ୍ଗ ଶେଖୋନ କହିଛନ୍ତି, ଭାରତର ପ୍ରଥମ ୫ ଜି ପରୀକ୍ଷଣ ଏବଂ ପ୍ରଥମ ୫ଜି କ୍ଲାଉଡ ଗେମିଙ୍ଗ ଅନୁଭୂତିର ପ୍ରଦର୍ଶନ ପରେ ଗ୍ରାମାଞ୍ଚଳରେ ପ୍ରଥମ ୫ଜି ପରୀକ୍ଷଣ କରି ଏୟାରଟେଲ ବେଶ୍ ଗୌରବାନ୍ବିତ।
