ବାଙ୍ଗାଲୋରୁ,୫ା୧୦: ଏକ ସାଧାରଣ ଅଟୋରିକ୍ସା ଯାତ୍ରା ଜଣେ ଇଞ୍ଜିନିୟରଙ୍କ ପାଇଁ ଆଶ୍ଚର୍ଯ୍ୟକର ଅନୁଭୂତିରେ ପରିଣତ ହୋଇଛି। ଅକ୍ଟୋବର ୪ ତାରିଖ ଦିନ ଆକାଶ ଆନନ୍ଦନୀ ନାମକ ଜଣେ ଟେକ୍ ଇଞ୍ଜିନିୟର ବାଙ୍ଗାଲୋରୁରେ ଅଟୋରେ ଯାତ୍ରା ଆରମ୍ଭ କରିଥିଲେ। କିନ୍ତୁ ଅଟୋ ଡ୍ରାଇଭରଙ୍କ ମୁଖରୁ ବାହାରୁଥିବା କଥା ଶୁଣି ସେ ଆଶ୍ଚର୍ଯ୍ୟ ହୋଇଯାଇଥିଲେ। ଡ୍ରାଇଭର କହିଛନ୍ତି ଯେ ତାଙ୍କର ୪-୫ କୋଟି ତାଙ୍କ ମୂଲ୍ୟର ୨ଟି ଘର ରହିଛି, ଯେଉଁଥିରୁ ପ୍ରତିମାସରେ ୨-୩ ଲକ୍ଷ ଟଙ୍କା ଭଡା ଆୟ ହୁଏ। ଏହା ସହିତ ସେ ଏକ ଏଆଇ (ଆର୍ଟିଫିସିଆଲ୍ ଇଣ୍ଟେଲିଜେନ୍ସ) ସ୍ଟାର୍ଟଅପ୍ରେ ଫାଉଣ୍ଡର୍ ଓ ଇନଭେଷ୍ଟର ବୋଲି ଜଣାଇଛନ୍ତି। ଆନନ୍ଦନୀ କହିଛନ୍ତି ଯେ ସେ ଡ୍ରାଇଭରଙ୍କ ହାତରେ ଆପଲ୍ ୱାଚ୍ ଓ କାନରେ ଏୟାର୍ପଡ୍ସ୍ ଦେଖି ତାଙ୍କ ସହ କଥାବାର୍ତ୍ତା ଆରମ୍ଭ କରିଥିଲେ। ସେ କେବଳ ଉଇକେଣ୍ଡ ସମୟରେ ଅଟୋ ଚଳାଇଥାନ୍ତି, ଯାହାକୁ ସେ ନିଜର ପ୍ରଥମ ଚାକିରି ବୋଲି ମାନନ୍ତି।
ଏହି ଅବିଶ୍ୱାସଯୋଗ୍ୟ କାହାଣୀକୁ ଆନନ୍ଦନୀ ସୋସିଆଲ ମିଡ଼ିଆ ଏକ୍ସ୍’ରେ ପୋଷ୍ଟ୍ କରିଛନ୍ତି। ସେ ଲେଖିଛନ୍ତି, “ବାଙ୍ଗାଲୋରୁ ଆଶ୍ଚର୍ଯ୍ୟଜନକ! ଅଟୋ ବାଲା ଭାଇ କହୁଛନ୍ତି ତାଙ୍କର ୪-୫ କୋଟି ଟଙ୍କା ମୂଲ୍ୟର ୨ଟି ଘର ରହିଛି, ପ୍ରତ୍ୟେକରୁ ୨-୩ ଲକ୍ଷ ଟଙ୍କା ମାସିକ ଭଡା ଆୟ, ଏବଂ ଏକ ଏଆଇ ସ୍ଟାର୍ଟଅପ୍ରେ ଫାଉଣ୍ଡର/ଇନଭେଷ୍ଟର। ଏ ଭାଇ…!” ଏହି ପୋଷ୍ଟ କ୍ଷଣିକରେ ଭାଇରାଲ୍ ହୋଇଯାଇଛି।
Bangalore is fucking crazy the auto wala bhaiya said he has 2 houses worth 4-5 crs 😭 both on rent earns close to 2-3 lakhs per month , and is a startup founder / investor in a ai based startup bruh 😭😭😭
— Akash Anandani (@Kashh56) October 4, 2025
ଲୋକମାନେ ଏହି ପୋଷ୍ଟ ଦେଖି ବିଭିନ୍ନ ପ୍ରତିକ୍ରିୟା ଦେଇଛନ୍ତି। କେତେକ ଡ୍ରାଇଭରଙ୍କ ଅସାଧାରଣ ଉଦ୍ୟମଶୀଳତାରେ ପ୍ରଶଂସା କରୁଛନ୍ତି, ଅନ୍ୟମାନେ ଏହାକୁ କାଳ୍ପନିକ କାହାଣୀ ବୋଲି ସନ୍ଦେହ ପ୍ରକାଶ କରୁଛନ୍ତି। ଏକ ୟୁଜର କହିଛନ୍ତି, “ଏହା କାରଣରୁ ବାଙ୍ଗାଲୋରୁ ସ୍ଟାର୍ଟଅପ୍ ରାଜଧାନୀ— ଅଟୋ ଡ୍ରାଇଭରମାନେ ବି ଇନଭେଷ୍ଟର!” ଅନ୍ୟ ଏକ କହିଛନ୍ତି, “ଏହା ବଲିଉଡ୍ର ସିନେମା ପରି ଲାଗୁଛି।” ତେବେ ଆନନ୍ଦନୀ ଏହାକୁ ସତ୍ୟ ବୋଲି ଜଢ଼ାଇଛନ୍ତି।
ଏକ ତୃତୀୟ ୟୁଜର ଲେଖିଛନ୍ତି, “ଯଦି ସେ ଇନ୍ଭେଷ୍ଟର୍ ହେବେ ତେବେ ଏହା ସମ୍ପୂର୍ଣ୍ଣ ବିଶ୍ୱାସଯୋଗ୍ୟ, କାରଣ ଏହା କେବଳ ଟଙ୍କାର ଆବଶ୍ୟକତା। କିନ୍ତୁ ଫାଉଣ୍ଡର୍ ହେବାର କାହାଣୀ କୁଲ୍ ଡୁଡ୍ସଙ୍କୁ ଇମ୍ପ୍ରେସ୍ କରିବା ପାଇଁ ଗଢ଼ା ହୋଇଥାଏ।”
ଅନ୍ୟ ଜଣେ କହିଛନ୍ତି, “ସମ୍ଭବ। ବାଙ୍ଗାଲୋରୁରେ ଏକଲାପଣ ଏକ ବଡ଼ ସମସ୍ୟା। ଏଠାରେ କେତେକ ଅଧିକ ଆୟ କରୁଥିବା ଲୋକେ ଟାକ୍ସି ହବି ଭାବେ ଚଳାନ୍ତି— ଟଙ୍କା ପାଇଁ ନୁହେଁ, ଏକଲାପଣ ଦୂର କରିବା ପାଇଁ। ମୁଁ ଅନେକ ଏଭଳି କେସ୍ ଶୁଣିଛି।” ଏହି ଘଟଣା ବାଙ୍ଗାଲୋରୁର ଜୀବନଶୈଳୀ ଓ ସ୍ଟାର୍ଟଅପ୍ ସଂସ୍କୃତିର ଏକ ପ୍ରତିଫଳନ୍ ବୋଲି ମନେ ହେଉଛି, ଯାହା ସାଧାରଣ ଲୋକଙ୍କୁ ବି ଅସାଧାରଣ ସଫଳତା ଦେଇପାରେ।
