ନୂଆଦିଲ୍ଲୀ,୧୫।୧୨: ଦେଶର ପ୍ରମୁଖ ସୋସିଆଲ ମିଡିଆ ପ୍ଲାଟ୍ଫର୍ମ ଟ୍ରୁକଲର ଆପ୍ ମାଧ୍ୟମରେ ଡିଜିଟାଲ ଗଭର୍ନମେଣ୍ଟ ଡାଇରେକ୍ଟୋରିର ଶୁଭାରମ୍ଭ ସମ୍ପର୍କରେ ଘୋଷଣା କରାଯାଇଛି। ଏପରିକି ଭାରତର ନାଗରିକ ଓ ସରକାରଙ୍କ ମଧ୍ୟରେ ଏହା ସହଜରେ ଏକ ସରଳ ଯୋଗାଯୋଗ ସ୍ଥାପନ କରିପାରିବ ବୋଲି କୁହାଯାଉଛି। ବିଶେଷକରି ଏହା ସହାୟତାରେ ସରକାରୀ ଅଧିକାରୀଙ୍କର ହଜାର ହଜାର ଯାଞ୍ଚ ହୋଇଥିବା କଣ୍ଟାକ୍ଟର ସୁବିଧା ମିଳିପାରିବ।
ଏ ସମ୍ପର୍କରେ ଟ୍ରୁ କଲରର ଡାଇରେକ୍ଟର ଅଫ୍ ପବ୍ଲିକ୍ ଆଫେୟାର୍ସ ପ୍ରଜ୍ଞା ମିଶ୍ର କହିଛନ୍ତି, ଟ୍ରୁକଲର ବର୍ତ୍ତମାନ କେବଳ ଏକ କଲର ଚିହ୍ନଟ ଆପ୍ ଭାବେ ରହିନାହିଁ ଓ ଏହା ବର୍ତ୍ତମାନ ସହରୀ ଓ ଭାରତରେ ବୃଦ୍ଧି ହେଉଥିବା ଅର୍ଦ୍ଧସହରାଞ୍ଚଳ-ଗ୍ରାମୀଣ ମାର୍କେଟରେ ମଧ୍ୟ ବିଶ୍ୱସନୀୟ ଡିଜିଟାଲ ଯୋଗାଯୋଗ ମାଧ୍ୟମରେ ବିଶ୍ୱାସ ସୃଷ୍ଟି କରୁଛି। ଆମର ପ୍ରଚେଷ୍ଟା ହେଉଛି ଲୋକମାନଙ୍କୁ ଜାଲିଆତିମୂଳକ ସରକାରୀ କଲ୍ ତଥା ବିଭିନ୍ନ ପ୍ରକାର ଠକାମିରୁ ସୁରକ୍ଷା ପ୍ରଦାନ କରିବା।
ଆମେ ବିଶ୍ୱାସକରୁ ଯେ ଏହି ବୈଶିଷ୍ଟ୍ୟ ସହିତ ନାଗରିକମାନେ ଆବଶ୍ୟକତା ସମୟରେ ସହଜରେ ଠିକ୍ କର୍ତ୍ତୃପକ୍ଷଙ୍କ ନିକଟରେ ପହଞ୍ଚତ୍ପାରିବେ। ସରକାରୀ ନମ୍ବରର ଏହା ହେଉଛି ପ୍ରଥମ ଡିଜିଟାଲ ଡାଇରେକ୍ଟୋରି ଓ ଆମେ ୟୁଜରଙ୍କ ମତାମତ ଆଧାରରେ ଏହାର ବିକାଶ ଜାରି ରଖିବୁ। ଯୋଗାଯୋଗକୁ ନିରାପଦ କରିବା ସହ ବିଶ୍ୱାସ ସୃଷ୍ଟି କରିବା ଦିଗରେ ଆମେ ଆମର ପ୍ରଚେଷ୍ଟାକୁ ଜାରି ରଖିବୁ। ଟ୍ରୁ କଲର ଏହାର ଡାଇରେକ୍ଟାରିକୁ ସମ୍ପ୍ରସାରିତ କରିବା ପାଇଁ ବିଭିନ୍ନ ସରକାରୀ ବିଭାଗ ସହ କାର୍ଯ୍ୟ କରୁଛି।
