ବରଗଡ ଅଫିସ,୩।୧୨: ବରଗଡ଼ ଧନୁଯାତ୍ରା ପାଇଁ ଗୋପପୁରରେ ଶୁଭଧ୍ୱଜା ସ୍ଥାପିତ ହୋଇଛି। ଶୁକ୍ରବାର ଅପରାହ୍ନ ୩ଟାରେ ଅମ୍ବାପାଲିର ଦେବୀ ମାଁ ସମଲେଶ୍ୱରୀଙ୍କଠାରେ ରୀତିନୀତି ଅନୁସାରେ ପୂଜାର୍ଚ୍ଚନା କରାଯିବା ପରେ ଏକ ସାଂସ୍କୃତିକ ଶୋଭାଯାତ୍ରା ବାହାରି ଗୋପପୁର ଗାଁର ସମସ୍ତ ଛୋଟବଡ଼ ମନ୍ଦିରରେ ଧ୍ବଜା ପରିବର୍ତ୍ତନ କରାଯାଇଥିଲା। ଏହାପରେ ଶୋଭାଯାତ୍ରା ଜିରା ନଦୀ କୂଳ କଦମ୍ବ ପଡିଆରେ ପହଞ୍ଚତ୍ଥିଲା। ଶୋଭାଯାତ୍ରାରେ ବିଭିନ୍ନ ପ୍ରକାର ଲୋକବାଦ୍ୟ ସଞ୍ଚାର, ସଂକୀର୍ତନ ସହ ବ୍ୟାଣ୍ଡବାଦ୍ୟ ସାମିଲ ହୋଇଥିଲା। ରାଜପୁରୋହିତ ପଣ୍ଡିତ ଭଗବାନ ବିର୍ତ୍ତିଆ ପୂଜାର୍ଚ୍ଚନା କରିଥିଲେ। ପୂଜାରେ ଧନୁଯାତ୍ରା ମହୋତ୍ସବ ଗୋପପୁର କମିଟିର ସହ ଆବାହକ ତଥା ପୌର ପରିଷଦ ନିର୍ବାହୀ ଅଧିକାରୀ ନାରାୟଣ ଦଣ୍ଡସନା କର୍ତ୍ତା ଦାୟିତ୍ୱ ତୁଲାଇଥିଲେ। ଯାତ୍ରାରେ କୌଣସି ବାଧାବିଘ୍ନ ନ ଘଟିବା ପାଇଁ ରାଜପୁରୋହିତ ଦଶ ଦିଗପାଳ ସହ ଅଷ୍ଟଗୁଳା ନାଗକୁ ପୂଜା କରି ୭୫ତମ ଧନୁଯାତ୍ରା ପାଇଁ ଶୁଭଧ୍ବଜା ସ୍ଥାପନ କରିଥିଲେ। ଏହି ଅବସରରେ ଧନୁଯାତ୍ରା ମହୋତ୍ସବ ସମିତି ସମ୍ପାଦକ ସୁରେଶ୍ୱର ଶତପଥୀ, ଉପଜିଲାପାଳ ଲଲାଟ ଲୁହା, ଗୋପପୁର କମିଟିର ଦୀପାଞ୍ଜଳି ବାଗ, ମହାଦେବ ର୍ବିତ୍ତିଆ, କୃଷ୍ଣ ମହାପାତ୍ର, ହାଡୁ ମଲ୍ଲିକ, ଗୁଲଠୁ ପ୍ରଧାନ, ରାକେଶ ବୁଡେକ, ଅଗ୍ନି ଥପା, ଦିଲୀପ ପ୍ରଧାନ, ଶେଷ ବିର୍ତ୍ତିଆ ପ୍ରମୁଖ ଉପସ୍ଥିତ ଥିଲେ। ସେହିପରି ଶୋଭାଯାତ୍ରାରେ କୃଷ୍ଣ ଅଭିନେତା ସମ୍ରାଟ ମହାପାତ୍ର, ବଳରାମ ଶ୍ରେୟସ ପୂଜାରୀ, ରାଧା ବୈଷ୍ଣବୀ ର୍ବିତ୍ତିଆ, ମଧୁମଙ୍ଗଳ ସତ୍ୟନାରାୟଣ ଷଡ଼ଙ୍ଗୀ, ନନ୍ଦରାଜା ସତ୍ୟନାରାୟଣ ପୋଢ଼, ରାଜେନ୍ଦ୍ର ପ୍ରସାଦ ସିଂ, ଦୟାନିଧି ପ୍ରଧାନ, ସୁଖଦେବ ଭୋଇ ସମେତ ଗୋପପୁର କମିଟିର ସଦସ୍ୟମାନେ ସାମିଲ ହୋଇଥିଲେ ।
