ଗୁଡାରି,୧୮।୨(ପ୍ରମୋଦ କୁମାର ପତି): ରାୟଗଡ଼ା ଜିଲା ଗୁଡାରି ବ୍ଲକର ଏମକେରାଇ ଗ୍ରାମପଞ୍ଚାୟତର ନୂତନ ସରପଞ୍ଚ ଭାବେ ବୁଧବାର ଦାୟିତ୍ୱ ଗ୍ରହଣ କଲେ ବନିତା ଶବର । ଗ୍ରାମପଞ୍ଚାୟତର ୭ ନମ୍ବର ୱାର୍ଡର ୱାର୍ଡ ସଭ୍ୟ ତଥା ନାଏବ ସରପଞ୍ଚ ଥିଲେ ବନିତା। ପୂର୍ବତନ ସରପଞ୍ଚ ତେୟାରଗ୍ରାସମୀ ଶବର ପାର୍ଟ ଟାଇମ ଟିଚେର ଭାବେ ନିଯୁକ୍ତି ପାଇବା ପରେ ସେ ନିଜ ପଦବୀରୁ ଇସ୍ତଫା ଦେଇଥିଲେ। ଏହି ଅବସରରେ ସ୍ଥାନୀୟ ଗ୍ରାମପଞ୍ଚାୟତ କାର୍ଯ୍ୟାଳୟରେ ଏକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା।
ପୂର୍ବତନ ସରପଞ୍ଚ, ବ୍ଲକ ଅଧକ୍ଷ ବିଶ୍ୱନାଥ ଶବର ସମିତି ସଭ୍ୟ ଅର୍ଜୁନ ଶବର, ପୂର୍ବତନ ଗୁଣୁପୁର ବିଧାୟକ ରଘୁନାଥ ଗମାଙ୍ଗ, ରଘୁନାଥ ପାତ୍ର, ସୁଦାମ ଶବର, ସନ୍ତୋଷ ମହାନ୍ତି, ଲ୍ୟାମ୍ପସ ସଭାପତି ରାମଚନ୍ଦ୍ର ଗମାଙ୍ଗଙ୍କ ସମେତ ବହୁ ମାନ୍ୟଗଣ୍ୟ ବ୍ୟକ୍ତିଙ୍କ ଉପସ୍ଥିତିରେ ଏହି କାର୍ଯ୍ୟକ୍ରମ ହୋଇଥିଲା । ଏହି କାର୍ଯ୍ୟକ୍ରମରେ ନୂଆ ସରପଞ୍ଚ ଭାବେ ଶପଥ ନେଲେ ବନିତା ଶବର । ଗ୍ରାମପଞ୍ଚାୟତ କାର୍ଯ୍ୟ ନିର୍ବାହୀ ଅଧିକାରୀ କୃଷ୍ଣଚନ୍ଦ୍ର ବେହେରା କାର୍ଯ୍ୟକ୍ରମ ପରିଚାଳନା କରିଥିଲେ ଏବଂ କାର୍ଯ୍ୟାଳୟର ସମସ୍ତ କର୍ମଚାରୀ ସହଯୋଗ କରିଥିଲେ । ପଞ୍ଚାୟତବାସୀଙ୍କ ସହଯୋଗରେ ପଞ୍ଚାୟତର ଉନ୍ନତି ନିମନ୍ତେ ଚେଷ୍ଟା କରିବି ବୋଲି ନୂତନ ସରପଞ୍ଚ ମତ ପ୍ରକାଶ କରିଛନ୍ତି ।
