କେନ୍ଦୁଝର, ୫।୭ (ସ୍ବ.ପ୍ର.)- ଗୁରୁ ଦାସ, ଜିଲାରେ ଏକ ପରିଚିତ ନାମ। ଜଣେ ଓଡ଼ିଶୀ ନୃତ୍ୟଗୁରୁ ଓ ଅଭିନେତା ଭାବେ ତାଙ୍କର ରହିଛି ସୁନାମ। ତେବେ କରୋନା କଟକଣା ହିଁ ତାଙ୍କୁ ଏକ ସୁଯୋଗ ଆଣିଦେଇଛି । ଅର୍ଥାତ୍ ଏଇ ସମୟରେ ଶର୍ଟ ଫିଲ୍ମ (କ୍ଷୁଦ୍ର ଚଳଚ୍ଚିତ୍ର) ପ୍ରସ୍ତୁତ କରିବାରେ ସେ ନିଜକୁ ବ୍ୟସ୍ତ ରଖିଛନ୍ତି। ଇତି ମଧ୍ୟରେ ‘ଅପଦାର୍ଥ’, ‘ଅସଭ୍ୟ’, ‘ହଁ ହଁ ଭୂତ ଦେଖିଛି’, ‘ନଷ୍ଟ ଚରିତ୍ର’ ଭଳି କ୍ଷୁଦ୍ର ଚଳଚ୍ଚିତ୍ର ପ୍ରସ୍ତୁତ କରିସାରିଛନ୍ତି। ତାଙ୍କର ନିଜସ୍ବ ନୃତ୍ୟକଳା ସଂସ୍ଥା କେନ୍ଦୁଝର ବର୍ଷା ସଙ୍ଗୀତ, ନୃତ୍ୟ, ଅଭିନୟ ଅନୁଷ୍ଠାନ ଦ୍ୱାରା ପରିବେଷିତ ଉପରୋକ୍ତ ଚଳଚ୍ଚିତ୍ରରେ ନିର୍ଦ୍ଦେଶକ ସାଜିଛନ୍ତି ଗୁରୁ। ଏଥିସହ ଏସବୁରେ ଜିଲାର କଳାକାରମାନଙ୍କୁ ମଧ୍ୟ ଅଭିନୟର ସୁଯୋଗ ଦେଇଛନ୍ତି।
ଟିଭି ସିରିଏଲ ଓ ମଞ୍ଚ ସହ ଜଡିତ ଏହି ଓଡ଼ିଶୀ ନୃତ୍ୟଗୁରୁ ଜିଲାର କଳାକାରଙ୍କୁ ନେଇ କ୍ଷୁଦ୍ର ଚଳଚ୍ଚିତ୍ର ନିର୍ମାଣ କରି ଏକ ନୂଆ ଅଧ୍ୟାୟ ସୃଷ୍ଟି କରିଛନ୍ତି। ଆଜିକାର ସମୟରେ ନିଶାସକ୍ତ ସ୍ବାମୀ କିପରି ମାନସିକ ଭାରସାମ୍ୟ ହରାଇ ସ୍ତ୍ରୀ ଓ ଛୁଆ ପିଲାଙ୍କୁ ମାରି ଦେଉଛି, ସରକାରୀ ସହାୟତା ନ ପାଇ ଜଣେ କଳାକାର କିପରି ଛଟପଟ ହୋଇ ଜୀବନ ବିତାଛଛି, ଚେଙ୍କ ଓ ଭୂତପ୍ରେତ ଭଳି ଅନ୍ଧବିଶ୍ୱାସର ବଶବର୍ତ୍ତୀ ହୋଇ କିପରି ଅଘଟଣ ଘଟାଉଛନ୍ତି, ନିଶା ନିବାରଣ, ଭଣ୍ଡବାବାଙ୍କ କଳାକାରନାମା ଆଦି ଘଟଣାବଳୀକୁ ନେଇ ପ୍ରସ୍ତୁତ ହୋଇଛି ପାଞ୍ଚଟି ସଚେତନତାମୂଳକ କ୍ଷୁଦ୍ର ଚଳଚ୍ଚିତ୍ରା କରୋନା ମହାମାରୀ ସମୟରେ ଏହି ସବୁ ଚଳଚ୍ଚିତ୍ର ଶିକ୍ଷଣୀୟ ଜ୍ଞାନ ଦେଇ ପାରିବ ବୋଲି ଆଶାବ୍ୟକ୍ତ କରନ୍ତି ଗୁରୁ ା ଏହି ଚଳଚ୍ଚିତ୍ରର ଅବଧି ରହିଛି ୧୨ ମିନିଟ। ଟିକ୍ଟକ ଭିଡିଓକୁ ବର୍ଜନ କରି ବର୍ଷା ଅନୁଷ୍ଠାନର କଳାକାରମାନେ ଏହି ଚଳଚ୍ଚିତ୍ର ମାଧ୍ୟମରେ ନିଜର ନିଖୁଣ ଅଭିନୟ ପ୍ରଦର୍ଶନର ସୁଯୋଗ ପାଇଛନ୍ତି ବୋଲି ସେ କହିଛନ୍ତି। ଏଭଳି କ୍ଷୁଦ୍ର ଚଳଚ୍ଚିତ୍ରରେ ଅଭିନୟ ନିଶ୍ଚୟ ଭାବରେ କଳାକାରମାନଙ୍କୁ ଏକ ନୂତନ ଦିଗ୍ଦର୍ଶନ ଦେବ ଏବଂ ଏହି ଅଭିଜ୍ଞତା ଆଗାମୀ ଦିନରେ ଚଳଚ୍ଚିତ୍ରରେ କାର୍ଯ୍ୟକରିବା ପାଇଁ ଏକ ସୁଯୋଗ ସୃଷ୍ଟି କରିପାରିବ ବୋଲି ବରିଷ୍ଠ କଳାକାର ନିର୍ମଳ ନାୟକ ମତବ୍ୟକତ କରନ୍ତି। ଅର୍ଥର ଅଭାବ ସତ୍ତ୍ୱେ କଳାକାର କଳାକୁ ନେଇ ବଞ୍ଚତ୍ଥାଏ। ଏଣୁ କରୋନା ଲକ୍ଡାଉନ ସମୟରେ ଆର୍ଥିକ ସଙ୍କଟରେ କଳାକାରମାନେ ଦିନ ବିତାଉଥିବା ବେଳେ ସେମାନଙ୍କ ମଧ୍ୟରେ କିଛି କରିବାର ଆଗ୍ରହ ଯୋଗୁ ହିଁ ସେ ଏଭଳି କ୍ଷୁଦ୍ର ଚଳଚ୍ଚିତ୍ର ନିର୍ମାଣ କରିବାରେ ସକ୍ଷମ ହୋଇଥିବା କୁହନ୍ତି ଗୁରୁ।
