ସୂର୍ଯ୍ୟକିରଣ ପ୍ରଭାବରେ ହାତଗୋଡ଼ ତଥା ମୁହଁର ତ୍ୱଚାରେ ବି ଟାନିଂ ବା କଳାଦାଗ ହୋଇଯାଏ। ତେଣୁ ତ୍ୱଚା କଳା ପଡ଼ି ବହୁତ ଖରାପ ଦେଖାଯାଏ। ଏହି ସମସ୍ୟାରୁ ମୁକ୍ତି ପାଇଁ ଜାଣି ରଖନ୍ତୁ କିଛି ଘରୋଇ ଉପାୟ…
ଖରା ପ୍ରଭାବରୁ ତ୍ୱଚାରେ ଦେଖାଯାଉଥିବା କଳାଦାଗ ଦୂରକରିବା ପାଇଁ ବେସନ ଓ ଦହି ମିଶାନ୍ତୁ। ବେସନ ଓ ଦହିର ଏହି ପ୍ୟାକକୁ ୧୫-୨୦ ମିନିଟ୍ ପର୍ଯ୍ୟନ୍ତ ଲଗାନ୍ତୁ। ଏହାପରେ ଧୋଇଦିଅନ୍ତୁ। ପାଦ ଓ ହାତକୁ ମଶ୍ଚରାଇଜ୍ କରିବାରେ ସହାୟକ ହେବ ଦହି ଏବଂ ବେସନ ଟାନିଂକୁ ଦୂରକରିବାରେ ସାହାଯ୍ୟ କରିବ। ଏହି ମିଶ୍ରଣରେ ଆପଣ ଚାହିଁଲେ ଲେମ୍ବୁ ମଧ୍ୟ ମିଶାଇ ଲଗାଇପାରିବେ।
ଆଳୁକୁ ବାଟି ରସ ବାହାର କରିଦିଅନ୍ତୁ। ଏଥିରେ ଲେମ୍ବୁରସ ମିଶାଇ ହାତ ପାଦ ଓ ମୁହଁରେ ଟାନିଂ ହୋଇଥିବା ସ୍ଥାନରେ ଲଗାନ୍ତୁ। ୨୦ ମିନିଟ୍ ରଖିବା ପରେ ଧୋଇ ଦିଅନ୍ତୁ। ଲଗାତର ଏପରି କଲେ ତ୍ୱଚାରେ ଚମକ ବୃଦ୍ଧି ପାଇବ।
ଓଟ୍ସକୁ ଗ୍ରାଇଣ୍ଡିଂ କରି ସେଥିରେ ଦହି ମିଶାଇ ଏକ ପେଷ୍ଟ ତିଆରି କରନ୍ତୁ। ଏଥିରେ ଅଳ୍ପ ଲେମ୍ବୁରସ ମିଶାଇ ପାଦରେ ସ୍କ୍ରବ୍ କରିବା ଭଳି ଲଗାଇ ୧୫ ମିନିଟ୍ ଛାଡ଼ି ଦିଅନ୍ତୁ। ଏହାପରେ ପାଦକୁ ଥଣ୍ଡାପାଣିରେ ଧୋଇଦିଅନ୍ତୁ, ଟାନିଂ କମିବା ସହିତ ଚମକ ବୃଦ୍ଧି ପାଇବ।
ଟାନିଂ ଦୂରକରିବା ପାଇଁ ୧ ଚାମଚ ଚନ୍ଦନ ପାଉଡର ସହିତ ୧ ଚାମଚ ମହୁ ମିଶାନ୍ତୁ। ଏହି ପେଷ୍ଟକୁ ତ୍ୱଚାରେ ଅଧଘଣ୍ଟା ପର୍ଯ୍ୟନ୍ତ ଲଗାଇ ରଖନ୍ତୁ। ସପ୍ତାହକୁ ଅତିକମ୍ରେ ଦୁଇଥର ଏହି ପ୍ୟାକ୍ ଲଗାଇଲେ ସମସ୍ତ କଳାଦାଗ ଦୂର ହୋଇ ଚମଚ ବୃଦ୍ଧି ପାଇବ।
ଟାନିଂ ଦୂରକରିବା ପାଇଁ ପାଚିଲା ଅମୃତଭଣ୍ଡା ମଧ୍ୟ ଅତ୍ୟନ୍ତ ଫଳପ୍ରଦ। ଅମୃତଭଣ୍ଡା ରସରେ ଅଳ୍ପ ମହୁ ମିଶାଇ କଳା ପଡ଼ିଥିବା ସ୍ଥାନରେ ଲଗାଇ ଅଧଘଣ୍ଟା ପରେ ଧୋଇ ଦିଅନ୍ତୁ। କିଛିଦିନ ଏପରି କଲେ ମୁହଁ ତଥା ପାଦ ଓ ହାତର କଳାଦାଗ ଦୂର ହୋଇଯିବ।
ଆଲୋଭେରା ଜେଲ୍ ସହିତ ଅଲିଭ୍ ଅଏଲ୍ ମିଶାଇ କଳା ପଡ଼ିଥିବା ସ୍ଥାନରେ ଲଗାଇ ଅଧଘଣ୍ଟା ଛାଡ଼ି ଦିଅନ୍ତୁ। ଏହାପରେ ଧୋଇ ଦିଅନ୍ତୁ।
କଞ୍ଚା କ୍ଷୀରରେ ହଳଦୀଗୁଣ୍ଡ ମିଶାଇ ମାଲିସ୍ କରନ୍ତୁ। ଟାନିଂ ଦୂରକରି ତ୍ୱଚାକୁ ଉଜ୍ଜ୍ୱଳ କରିବାରେ ଏହି ମାସ୍କ ବେଶ୍ ଫଳପ୍ରଦ।
