ଧାମନଗର,୧୩।୮(ଡି.ଏନ୍.ଏ): ବୈତରଣୀ ନଦୀର ଜଳସ୍ତର ବୃଦ୍ଧି ପାଇ ଶନିବାର ମଧ୍ୟାହ୍ନ ୧୨ଟା ସୁଦ୍ଧା ବିପଦସଙ୍କେତ ଅତିକ୍ରମ କରିଛି। ବୈତରଣୀ ନଦୀର ଆଖୁଆପଦାଠାରେ ବିପଦସଙ୍କେତ ୧୭.୮୩ ମିଟର ରହିଥିବା ବେଳେ ପୂର୍ବାହ୍ନ ୧୧ଟାରେ ଜଳସ୍ତର ୧୭.୮୩ ମିଟରରେ ପ୍ରବାହିତ ହେଉଥିଲା। ଏହା କ୍ରମଶଃ ବୃଦ୍ଧି ପାଇ ୧୨ଟାରେ ୧୭.୮୮ ମିଟରରେ ପ୍ରବାହିତ ହେଉଛି। ଗତ ୨୪ ଘଣ୍ଟା ମଧ୍ୟରେ ନଦୀର ଉପରମୁଣ୍ଡରେ ହୋଇଥିବା ବର୍ଷା ରେକର୍ଡ ଅନୁଯାୟୀ, କେନ୍ଦୁଝରରେ ୨୯.୬୦ ମିମି, ସାମପାଟଣାରେ ୨୭.୦୦ ମି.ମି., ଠାକୁରମୁଣ୍ଡାରେ ୨୭.୦୦ ମି.ମି., ଚମ୍ପୁଆରେ ୧୦.୨୦ ମି.ମି., ଆନନ୍ଦପୁରରେ ୦୧.୦୦ ମି.ମି. ଓ ଆଖୁଆପଦାଠାରେ ୧୪.୦୦ ମି.ମି. ବର୍ଷା ରେକର୍ଡ କରାଯାଇଛି ।
