ଝାରସୁଗୁଡା ଅଫିସ/ବେଲପାହାଡ଼,୧।୧(ଡି.ଏନ.ଏ.): ବିଳାସପୁର ରେଳ ଡିଭିଜନ ଅନ୍ତର୍ଗତ ଦିଲ୍ଲୀ-ହାୱଡା ରେଳଲାଇନର ବେଲପାହାଡ଼ ନୂଆପଡା ନିକଟସ୍ଥ ମୁଖ୍ୟ ରେଳଧାରଣାରୁ ଜଣେ ବ୍ୟକ୍ତିଙ୍କ ମୃତଦେହ ରବିବାର ବ୍ରଜରାଜନଗର ରେଲୱେ ପୋଲିସ ଜବତ କରିଛି। ମୃତକ ଜଣକ ହେଲେ ନୂଆପଡା ନିବାସୀ ସତିନ୍ଦର ସିଂ(୬୧)। ରବିବାର ନୂଆପଡା ନିକଟ ମୁଖ୍ୟ ରେଳଧାରଣା ଅପ୍ ଲାଇନରେ କ୍ଷତବିକ୍ଷତ ଅବସ୍ଥାରେ ସତିନ୍ଦରଙ୍କ ମୃତଦେହ ପଡିଥିବା ଦେଖି ସ୍ଥାନୀୟ ଲୋକେ ରେଲୱେ ପୋଲିସକୁ ଖବର ଦେଇଥିଲେ। ଖବର ପାଇ ଆର୍ପିଏଫ୍ ଏଏସ୍ଆଇ ରାବିକାନ୍ତ ସିଂହ, ଜିଆର୍ପି ଏଏସ୍ଆଇ ଏସ୍. ବି. ରାଓ ପ୍ରମୁଖ ଘଟଣାସ୍ଥଳରେ ପହଞ୍ଚତ୍ ମୃତଦେହ ଜବତ କରି ବ୍ୟବଚ୍ଛେଦ କରାଇବା ପରେ ପରିବାର ଲୋକଙ୍କୁ ହସ୍ତାନ୍ତର କରିଥିଲେ। ଏ ନେଇ ବ୍ରଜରାଜନଗର ଜିଆର୍ପି ପୋଲିସ ଏକ ମାମଲା (ନଂ.୧।୨୩) ରୁଜୁ କରି ତଦନ୍ତ ଚଳାଇଛି। ମୃତ ସତିନ୍ଦର ଅଟୋ ଡ୍ରାଇଭର କାମ କରି ପରିବାର ପ୍ରତିପୋଷଣ କରୁଥିବା ବେଳେ ପରିବାରରେ ସ୍ତ୍ରୀ ଓ ପୁଅ ଥିବା ଜଣାପଡିଛି।
