ସିଡନି,୧୯ ।୨: ଆସନ୍ତା ସେପ୍ଟେମ୍ବରରେ ଭାରତ ଦ୍ୱାରା ହେବାକୁ ଯାଉଥିବା ଜି-୨୦ ବୈଠକକୁ ନେଇ ଆଷ୍ଟ୍ରେଲିଆର ସହକାରୀ ବାଣିଜ୍ୟ-ଉତ୍ପାଦନ ମନ୍ତ୍ରୀ ତଥା ସିନେଟର ଟିମ ଆୟରେସ କହିଛନ୍ତି ଭାରତ ହେଉଛି ବିଶ୍ୱର ଏକ ପ୍ରମୁଖ ଗଣତାନ୍ତ୍ରିକ ରାଷ୍ଟ୍ର । ସେ କହିଛନ୍ତି କ୍ୱାଡ ନେତାମାନଙ୍କୁ ଏକାଠି କରିବା ଓ ସେପ୍ଟେମ୍ବରରେ ଜି-୨୦ ବୈଠକର ଆୟୋଜନ କରିବାରେ ଆମେ ଭାରତର ନେତୃତ୍ୱ ଭୂମିକାକୁ ଅପେକ୍ଷା ରଖିଛୁ ।
ଅଷ୍ଟ୍ରେଲିଆର ମନ୍ତ୍ରୀ କହିଛନ୍ତି, ଭାରତ ଭଳି ଏକ ମହାନ ଗଣତନ୍ତ୍ର ସହ ଆମେ ଜି-୨୦ରେ ଉଭୟ ଦେଶ ମଧ୍ୟରେ ସମ୍ପର୍କକୁ ଆହୁରି ଆଗକୁ ନେବାକୁ ଚେଷ୍ଟା କରିବୁ । ବିଶ୍ୱର ଅର୍ଥବ୍ୟବସ୍ଥାରେ ଦ୍ରୁତ ଅଭିବୃଦ୍ଧି ଭାବେ ଭାରତ ନିକଟରେ ଏହା ଏକ ବଡ ସୁଯୋଗ । ଟିମ ଆୟରେସ କହିଛନ୍ତି, ଅଷ୍ଟ୍ରେଲିଆର ପ୍ରଧାନମନ୍ତ୍ରୀ ଏନ୍ଥନି ଅଲବନି ସରକାରଙ୍କର ଭାରତ ସହ ସମ୍ପର୍କକୁ ନେଇ ବହୁତ ବଡ ସମ୍ମାନ ରହିଛି ।
