ଏସ୍‌ଏଫ୍‌ଟିର ବିଜେତାଙ୍କୁ ଆକର୍ଷଣୀୟ ପୁରସ୍କାର
1:16 pmNovember 16, 2022November 16, 2022 / 41

ନୂଆଦିଲ୍ଲୀ,୧୬ା୧୧: ସାମ୍‌ସଙ୍ଗ୍‌ର ସଲ୍‌ଭ ଫର୍‌ ଟୁମରୋ (ଏସ୍‌ଏଫ୍‌ଟି)ର ଉଦ୍‌ଘାଟନୀ ସଂସ୍କରଣର ଶୀର୍ଷ ୩ଜଣଙ୍କ ବିଜେତାଙ୍କ ନାମ ଘୋଷଣା କରାଯାଇଛି। ଏପରିକି ୩ ବିଜେତା ଟିମ୍‌ ଯଥା ସ୍ପୁଟନିକ ବ୍ରେନ୍‌, ଉଡାନ ଏବଂ ଆଲ୍‌ଫା ମନିଟର ସମୁଦାୟ ୧ କୋଟି ଟଙ୍କାର ଅନୁଦାନ ଏବଂ ଫାଉଣ୍ଡେଶନ ଫର୍‌ ଇନୋଭେଶନ ଏବଂ ଟେକ୍ନୋଲୋଜି ଟ୍ରାନ୍ସଫର (ଏଫ୍‌ଆଇଆଇଟି) ଆଇଆଇଟି, ଦିଲ୍ଲୀ ଦ୍ୱାରା ୬ ମାସର ଇନ୍‌କ୍ୟୁବେସନ ମଧ୍ୟ ହାସଲ କରିଛନ୍ତି। ଏହାଦ୍ୱାରା ସେମାନଙ୍କର ପ୍ରୋଟୋଟାଇପର ବିକାଶ ହୋଇପାରିବ ଏବଂ ସେମାନେ ସେମାନଙ୍କ ଉପତ୍ାଦ ଏବଂ ସେବାକୁ ପ୍ରକୃତ ଗ୍ରାହକଙ୍କ ସହିତ ପ୍ରୟୋଗ କରିପାରିବେ। ସେହିଭଳି ପ୍ରତ୍ୟେକ ବିଜେତା ଟିମ୍‌କୁ ଏକ ସାର୍ଟିଫିକେଟ ଓ ସୁନ୍ଦର ସଲ୍‌ଭ ଫର୍‌ ଟୁମରୋ ଟ୍ରଫି ପ୍ରଦାନ କରାଯାଇଛି। ଟିମ୍‌ର ପ୍ରତି ସଦସ୍ୟ ଆକର୍ଷଣୀୟ ସାମ୍‌ସଙ୍ଗ୍‌ ଉପତ୍ାଦ ଯଥା ଏକ ସାମ୍‌ସଙ୍ଗ୍‌ ଗ୍ୟାଲାକ୍ସି ବୁକ୍‌ ୨ପ୍ରୋ ୩୬୦ ଲାପ୍‌ଟପ୍‌ ଓ ସାମ୍‌ସଙ୍ଗ୍‌ ଗ୍ୟାଲାକ୍ସି ବଡ୍‌ସ୨ ପାଇଛନ୍ତି। ଉକ୍ତ ବିଜେତା ଟିମ୍‌ ତାଙ୍କ ସ୍କୁଲ ବା କଲେଜ ପାଇଁ ୮୫-ଇଞ୍ଚର ସାମ୍‌ସଙ୍ଗ୍‌ ଫ୍ଲିପ୍‌ ଇଣ୍ଟରାକ୍‌ଟିଭ ବୋର୍ଡ ଲାଭ କରିଛନ୍ତି। ନିକଟରେ ନୂଆଦିଲ୍ଲୀଠାରେ ଆୟୋଜିତ ସଲ୍‌ଭ ଫର୍‌ ଟୁମରୋର ଗ୍ରାଣ୍ଡ ଜୁରିଙ୍କ ଦ୍ୱାରା ଗ୍ରାଣ୍ଡ ଫିନାଲେ ରାଉଣ୍ଡରେ ୩ ବିଜେତାଙ୍କର ଚୟନ କରାଯାଇଛି।
ଏ ସମ୍ପର୍କରେ ସାମ୍‌ସଙ୍ଗ୍‌ ସାଉଥୱେଷ୍ଟ ଏସିଆର ପ୍ରେସିଡେଣ୍ଟ ଓ ସିଇଓ କେନ୍‌ କାଙ୍ଗସ୍‌ କହିଛନ୍ତି, ଭାରତୀୟ ଯୁବଗୋଷ୍ଠୀଙ୍କର ସୃଜନଶୀଳତା କ୍ଷମତା ରହିଛି। ଏହା ସହାୟତାରେ ସେମାନେ ବିଶ୍ୱର ବଡ଼ ବଡ଼ ଆହ୍ବାନର ମଧ୍ୟ ସମାଧାନ କରିପାରିବେ। ଆମେ ସେମାନଙ୍କ ପାଇଁ ଗର୍ବିତ ଏବଂ ସେମାନଙ୍କର ଚିନ୍ତାଧାରାକୁ ବାସ୍ତବତାରେ ପରିଣତ କରିବା ପାଇଁ ଆମେ ସେମାନଙ୍କ ସହ କାର୍ଯ୍ୟକରିବୁ।