ଅବୁଜା,୬ ।୬: ଦକ୍ଷିଣ-ପଶ୍ଚିମ ନାଇଜେରିଆର ଏକ ଚର୍ଚ୍ଚରେ ରବିବାର ପ୍ରାର୍ଥନା କରୁଥିବା ଲୋକଙ୍କ ଉପରକୁ ଗୁଳି କରାଯିବା ସହ ବିସ୍ଫୋରଣ କରାଯାଇଥିବା ଖବର ମିଳିଛି । ଯେଉଁଥିରେ ୫୦ରୁ ଅଧିକ ଲୋକଙ୍କ ମୃତ୍ୟୁ ହୋଇଥିବା କୁହାଯାଉଛି । ରାଜ୍ୟର ଲୋକ ପ୍ରତିନିଧିମାନେ ଏହି ସୂଚନା ଦେଇଛନ୍ତି ।
ଲୋକ ପ୍ରତିନିଧିଙ୍କ ସୂଚନା ଅନୁଯାୟୀ, ଆକ୍ରମଣକାରୀ ଆନ୍ଦୋ ରାଜ୍ୟର ସେଣ୍ଟ ଫ୍ରାନସିସ କ୍ୟାଥୋଲିକ ଚର୍ଚ୍ଚକୁ ଟାର୍ଗେଟ କରିଥିଲେ । ସେଠାରେ ଯେତେବେଳେ ଇସାଇ ଧର୍ମର ପର୍ବ ‘ପେଟେଂକୋଷ୍ଟ ସନ୍ଡେ’ ପାଳନ କରିବାକୁ ଲୋକେ ଜମା ହୋଇଥିଲେ ସେହି ସମୟରେ ଏହି ଆକ୍ରମଣ କରାଯାଇଛି । ମୃତକଙ୍କ ମଧ୍ୟରେ କେତେଜଣ ଶିଶୁଥିବା ଜଣାପଡିଛି । ମୃତକଙ୍କ ସଂଖ୍ୟା ଆହୁରି ଅଧିକ ହେବ ବୋଲି କୁହାଯାଉଥିବା ବେଳେ ଅଫିସିଆଲି କିନ୍ତୁ ଏହାର କୌଣସି ଘୋଷଣା କରାଯାଇନାହିଁ ।
