କଲମ୍ୱୋ,୧୫ା୨: ଟ୍ବେଣ୍ଟି ଟ୍ବେଣ୍ଟି ବିଶ୍ବକପ୍ ୨୦୨୬ର ସବୁଠୁ ହାଇ ଭୋଲଟେଜ୍ ମୁକାବିଲା ଆସନ୍ତାକାଲି ଖେଳାଯିବ । ଦୁଇ ପାରମ୍ପରିକ ପ୍ରତିଦ୍ବନ୍ଦୀଙ୍କ ମଧ୍ୟରେ ଘମାଘୋଟ୍ ଲଢେଇ ହେବାକୁ ଯାଉଛି । ଯାହାକୁ ଅପେକ୍ଷା କରି ରହିଛନ୍ତି କୋଟି କୋଟି ପ୍ରଶଂସକ । ଭାରତ ଏବଂ ପାକିସ୍ତାନ ମଧ୍ୟରେ ଲିଗ୍ ପର୍ଯ୍ୟାୟ ମୁକାବିଲା ଆସନ୍ତାକାଲି ଶ୍ରୀଲଙ୍କାର କଲମ୍ବୋରେ ଖେଳାଯିବ । ତେବେ ଏହା ପୂର୍ବରୁ ବଡ଼ ଖବର ସାମ୍ନାକୁ ଆସିଛି ।
ତେବେ ଭାରତ-ପାକିସ୍ତାନ ମ୍ୟାଚ୍ ପୂର୍ବରୁ ବଡ଼ ଭବିଷ୍ୟବାଣୀ ସାମ୍ନାକୁ ଆସିଛି । ଗ୍ରହ ଓ ନକ୍ଷତ୍ର ଗଣନା ଅନୁଯାୟୀ, ଭାରତ ଏବଂ ପାକିସ୍ତାନ ମଧ୍ୟରୁ କିଏ ଜିତିବ ସେ ନେଇ ବଡ଼ ଭବିଷ୍ୟବାଣୀର ରିପୋର୍ଟ ଗଣେଶସ୍ପିକ୍ସ ଡଟ୍ କମ୍ ନାମକ ଏକ ସାଇଟ୍ରେ ପ୍ରକାଶ ପାଇଛି ।
ଭାରତୀୟ ଦଳର ନବମ ଘରେ ଚନ୍ଦ୍ର ରହିଛନ୍ତି । ଯାହାକି ଆତ୍ମବିଶ୍ବାସ, ସମୃଦ୍ଧି ଏବଂ ନିର୍ଣ୍ଣାୟକ ନିଷ୍ପତ୍ତି ନେବାରେ ସହଯୋଗ କରିବ । ସେହିଭଳି ସପ୍ତମ ଘରେ ସୂର୍ଯ୍ୟ ଅଛନ୍ତି । ଯାହାକି ଶତ୍ରୁକୁ ମୁକାବିଲା କରିବାରେ ବେଶ୍ ସହାୟକ ହେବ । ସେହିଭଳି ୧୦ମ ଘରେ ଭାରତ ପାଇଁ ସାମାନ୍ୟ କଷ୍ଟସାଧ୍ୟ ରହିଛି ।
ସେହିଭଳି ପାକିସ୍ତାନ ଦଳର ଲଗ୍ନ ୫ମ ଘରେ ରହିଛି । ଯାହାକି ସୃଜନଶୀଳୀ ପ୍ରତୀକ ତଥା ଅନୁକୂଳ ବାତାବରଣ ପ୍ରଦାନ କରିଥାଏ । ୧୦ମ ଘରେ ଚନ୍ଦ୍ର ରହିଥିବାରୁ ଭଲ ପ୍ରଦର୍ଶନ କରିବେ । ତେଣୁ ଲଢେଇ ଜୋରଦାର ହେବ କିନ୍ତୁ ଭାରତ ଏହି ମ୍ୟାଚ୍ ଜିତିବାକୁ ସକ୍ଷମ ହେବ ।
