ନୂଆଦିଲ୍ଲୀ,୨୪।୧୦: ଦୀପାବଳି ଦିନ ଦିଲ୍ଲୀରେ ଅତ୍ୟଧିକ ଖରାପ ବାୟୁ ସତ୍ତ୍ୱେ ଏସିଆର ପ୍ରଦୂଷିତ ୧୦ଟି ସହର ତାଲିକାରେ ରାଜଧାନୀବାଦ୍ ପଡ଼ିଛି। କୁହାଯାଉଛି, ଦୀପାବଳି ରାତିରେ ବାୟୁର ଗୁଣବତ୍ତା ଆହୁରି ଖରାପ ହୋଇପାରେ। ଅନ୍ୟପଟେ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ବାଲ ଦାବି କରି କହିଛନ୍ତି, ଏସିଆର ପ୍ରଦୂଷିତ ୧୦ଟି ସହର ମଧ୍ୟରେ ଦିଲ୍ଲୀର ନାମ ନାହିଁ। ଏହି ତାଲିକାରେ ଭାରତର ୮ଟି ସହର ରହିଛି। ସୋମବାର କେଜ୍ରିଓ୍ବାଲ ଟୁଇଟରେ ଏକ ଗଣମାଧ୍ୟମ ରିପୋର୍ଟକୁ ଶେୟାର କରି କହିଛନ୍ତି ଯେ, କିଛି ବର୍ଷ ପୂର୍ବେ ଦିଲ୍ଲୀ ଦୁନିଆର ସବୁଠାରୁ ପ୍ରଦୂଷିତ ସହର ଥିଲା। କିନ୍ତୁ ଏବେ ଆଉ ନାହିଁ। ଏଥିପାଇଁ ଦିଲ୍ଲୀର ଲୋକମାନେ କଠିନ ପରିଶ୍ରମ କରିଛନ୍ତି। ଆଗକୁ ବି ଆହୁରି କଠିନ ପରିଶ୍ରମ ଜାରି ରଖିବୁ, ଯାହା ଦ୍ୱାରା ଦେଶର ରାଜଧାନୀ ଦିଲ୍ଲୀ ଦୁନିଆର ସର୍ବୋତ୍ତମ ସହର ମଧ୍ୟରେ ସ୍ଥାନିତ ହୋଇପାରିବ। ଦିଲ୍ଲୀକୁ ବିଶ୍ୱର ସର୍ବୋତ୍ତମ ସହର କରିବା ପାଇଁ ଆମେ ପ୍ରତିଶ୍ରୁତିବଦ୍ଧ ବୋଲି କେଜ୍ରିଓ୍ବାଲ କହିଛନ୍ତି।
