ସିଲହଟ,୧୩।୧୦: ମହିଳା ଏସିଆ କପ୍ ସେମିଫାଇନାଲରେ ଭାରତ ଏବଂ ଥାଇଲାଣ୍ଡର ଆଜି ମୁହାଁମୁହିଁ ହୋଇଛନ୍ତି। ଏହି ମ୍ୟାଚ ସିଲହଟ ଇଣ୍ଟରନ୍ୟାସନାଲ ଷ୍ଟାଡିୟମରେ ଖେଳାଯାଉଛି। ଏହି ମ୍ୟାଚ୍ରେ ଭାରତର ପ୍ରଥମେ ବ୍ୟାଟିଂ କରି ୬ ଉଇକେଟ୍ ହରାଇ ୧୧୪୮ ରନ୍ କରିଛି। ଥାଇଲ୍ୟାଣ୍ଡ ଟସ ଜିତି ଭାରତକୁ ପ୍ରଥମେ ବ୍ୟାଟିଂ କରିବାକୁ ଆମନ୍ତ୍ରଣ କରିଥିଲା। ଥାଇଲ୍ୟାଣ୍ଡ ବିପକ୍ଷ ସେମିଫାଇନାଲରେ ଭାରତ ଭଲ ଆରମ୍ଭ କରିଥିଲା। ଭାରତ ପ୍ରଥମ ୫ ଓଭରରେ କୌଣସି ଉଇକେଟ ନ ହରାଇ ୩୮ ରନ ସଂଗ୍ରହ କରିଥିଲା। ଶେଫାଳି ବର୍ମା ଏବଂ ସ୍ମୃତି ମନ୍ଧନାଙ୍କ ଭଲ ବ୍ୟାଟିଂ କରିଥିଲେ। ୩୮ ରନ୍ରେ ଭାରତକୁ ପ୍ରଥମ ଝଟ୍କା ଲାଗିଥିଲା। ମନ୍ଧାନା ୧୩ ରନ୍ରେ ଆଉଟ୍ ହୋଇଥିଲେ। ଶେଫାଳି ୨୮ ବଲ୍ରେ ୪୨ ରନ୍ କରି ଆଉଟ୍ ହୋଇଥିଲେ। ଜେମିମା ରୋଡ୍ରିସ୍ ୨୭ ରନ୍ରେ ପାଭିଲିୟନ ଫେରିଥିଲେ। ଅଧିନାୟିକା ହରମନପ୍ରିତ ୩୦ ବଲ୍ରୁ ୩୬ ରନ୍ କରିଥିଲେ। ପୂଜା ବସ୍ତ୍ରକାର ୧୭ ରନ୍ କରି ଅପରାଜିତ ରହିଥିଲେ।
ଗ୍ରୁପ ପର୍ଯ୍ୟାୟରେ ୬ଟି ମ୍ୟାଚ ମଧ୍ୟରୁ ପାଞ୍ଚଟି ମ୍ୟାଚ୍ ଜିତି ଭାରତ ସେମିଫାଇନାଲରେ ପ୍ରବେଶ କରିଛି। ବର୍ତ୍ତମାନର ଟୁର୍ନାମେଣ୍ଟରେ ଦୁଇ ଦଳ ମଧ୍ୟରେ ଏହା ହେଉଛି ଦ୍ୱିତୀୟ ମୁକାବିଲା। ପ୍ରଥମ ମ୍ୟାଚ୍ରେ ଭାରତ ଥାଇଲାଣ୍ଡକୁ ପରାସ୍ତ କରିଥିଲା।
