ଅହମ୍ମଦାବାଦ,୨୪।୨: ଭେଟେରାନ ଅଫ୍ ସ୍ପିନର ରବିଚନ୍ଦ୍ରନ ଅଶ୍ୱିନ ପୂର୍ବତନ ଭାରତୀୟ ପେସର ଜାହିର ଖାନଙ୍କୁ ପଛରେ ପକାଇ ଦେଇଛନ୍ତି। ଅନ୍ତର୍ଜାତୀୟ ସ୍ତରରେ ଟିମ୍ ଇଣ୍ଡିଆ ପାଇଁ ଜାହିର ଖାନ ତିନୋଟି ଫର୍ମାଟକୁ ମିଶାଇ ମୋଟ ୫୯୭ଟି ଉଇକେଟ ନେଇଥିଲେ। ଏଠାରେ ଚାଲିଥିବା ଇଂଲଣ୍ଡ ବିପକ୍ଷ ତୃତୀୟ ଟେଷ୍ଟର ପ୍ରଥମ ଇନିଂସରେ ୨୮ତମ ଓଭରରେ ଓଲି ପୋପଙ୍କୁ ଆଉଟ୍ କରିବା ସହ ଜାହିରଙ୍କ ଉଇକେଟ ସଂଖ୍ୟାକୁ ପଛରେ ପକାଇ ଦେଇଛନ୍ତି ଅଶ୍ୱିନ। ଏବେ ଅଶ୍ୱିନ ୫୯୯ ଉଇକେଟ ସହ ଭାରତ ପକ୍ଷରୁ ଅନ୍ତର୍ଜାତୀୟ ସ୍ତରରେ ସର୍ବାଧିକ ଉଇକେଟ ହାତେଇଥିବା ବୋଲରଙ୍କ ତାଲିକାରେ ୪ର୍ଥ ସ୍ଥାନ ଅକ୍ତିଆର କରିଛନ୍ତି। ଏହି ତାଲିକାରେ ସର୍ବାଧିକ ୯୫୩ ଉଇକେଟ ସହ ଶୀର୍ଷରେ ଅଛନ୍ତି ପୂର୍ବତନ ଅଧିନାୟକ ଅନିଲ କୁମ୍ବଲେ। ତାଙ୍କ ପଛକୁ ରହିଛନ୍ତି ହରଭଜନ ସିଂ (୭୦୭) ଓ କପିଲ ଦେବ (୬୮୭)।
