ଜଙ୍ଗଲରେ ଚଲାଇଥିଲେ ଆଶ୍ରମ, ବାନ୍ଧିନେଲା ପୋଲିସ
2:09 pmSeptember 21, 2022September 21, 2022 / 09

ପରଜଙ୍ଗ,୨୧।୯(ଡି.ଏନ୍‌.ଏ.): ଢେଙ୍କାନାଳ ବନଖଣ୍ଡ ମୁକ୍ତାପଶି ଫରେଷ୍ଟ ସେକ୍ସନ କଙ୍କିଳି କୁଣ୍ଡଖୋଲ ସରଂକ୍ଷିତ ଜଙ୍ଗଲ ଜମି ଅକ୍ତିଆର ଓ ବନ୍ୟଜନ୍ତୁ ଶିକାର ଅଭିଯୋଗରେ ବୁଧବାର ଖଣ୍ଡିଆ ବାବାଙ୍କୁ ଗିରଫ କରାଯାଇଛି। ଯାହାଙ୍କ ଭଲ ନାମ ହେଉଛି ଅନନ୍ତ ଚରଣ ଦାସ। ସେ ପାଖାପାଖି ଦୁଇ ବର୍ଷ ହେବ ଏହି ଜଙ୍ଗଲ ଜମିରେ ଥିବା ବଡ଼ ବଡ଼ ଗଛ କାଟି ସଫା କରିବା ସହ ସେଠାରେ ଏକ ଆଶ୍ରମ କରିଛନ୍ତି। ଏମିତିକି ସେଠାକୁ ଖାଦ୍ୟ ଅନ୍ବେଷଣରେ ଆସୁଥିବା ବନ୍ୟଜନ୍ତୁକୁ ଶିକାର କରି ତାହାର ଦାନ୍ତ, ଚମଡ଼ା, ଶିଙ୍ଗ ବିକ୍ରି କରି ମୋଟା ଅଙ୍କର ଟଙ୍କା ରୋଜଗାର କରୁଥିବା ନେଇ ଢଙ୍କାନାଳ ବନଖଣ୍ଡ ଅଧିକାରୀଙ୍କ ନିକଟରେ ଅଭିଯୋଗ ହୋଇଥିଲା। ତଦନ୍ତ କରାଯାଇ ସମ୍ପୃକ୍ତ ବାବାଙ୍କୁ ଗିରଫ ସହ ଉକ୍ତ ମଠକୁ ଜବରଦଖଲ ଉଚ୍ଛେଦ ପାଇଁ ମୁକ୍ତାପଶି ଫରେଷ୍ଟରଙ୍କୁ ନିର୍ଦ୍ଦେଶ ଦିଆଯାଇଛି। ଗିରଫ ପରେ ତାଙ୍କୁ କୋର୍ଟ ଚାଲଣ କରାଯିବା ସହ ଆସନ୍ତା ଗୁରୁବାର ମଠ ଜବରଦଖଲ ଉଚ୍ଛେଦ କରାଯିବ ବୋଲି କୁହାଯାଇଛି।