ଆଜି ଖିଲାଡି କିଙ୍ଗ୍ ଅକ୍ଷୟ କୁମାରଙ୍କ ହାପି ବର୍ଥ ଡେ। ୧୯୬୭ ସେପ୍ଟେମ୍ବର ୯ ତାରିଖଷର ଅମୃତସରରେ ଜନ୍ମଗ୍ରହଣ କରିଥିଲେ ଅକ୍ଷୟ। ଏହି ଅବସରରେ ତାଙ୍କ ନିକଟକୁ ଶୁଭେଚ୍ଛାର ସୁଅ ଛୁଟିଛି। ପଦ୍ମଶ୍ରୀ ସୁଦର୍ଶନ ପଟ୍ଟନାୟକ ପୁରୀ ବେଳାଭୂମିରେ ବାଲୁକାକଳା ମାଧ୍ୟମରେ ଅକ୍ଷୟଙ୍କୁ ଜନ୍ମଦିନର ଶୁଭେଚ୍ଛା ଜଣାଇଛନ୍ତି।
ଜଣେ ରୋଲ୍ ମଡେଲ, ହିରୋ। ହାପି ବର୍ଥ ଡେ ଅକ୍ଷୟ କୁମାର ବୋଲି ବାଲୁକାକଳାରେ ଲେଖା ରହିଛି। ଏହାଛଡ଼ା ନିଜର ଟୁଇଟର ପୃଷ୍ଠାରେ ଏହାକୁ ଶେୟାର କରି ସୁଦର୍ଶନ କହିଛନ୍ତି, ଜନ୍ମଦିନର ଅନେକ ଅନେକ ଶୁଭେଚ୍ଛା ଅକ୍ଷୟ କୁମାର। ଆପଣଙ୍କ ପାଇଁ ଦୀର୍ଘ ଜୀବନର କାମନା କରୁଛି। ଆପଣଙ୍କ ସାମାଜିକ କାମରୁ ଆମକୁ ପ୍ରେରଣା ମିଳିଥାଏ। ଆପଣ ରୋଲ ମଡେଲ ଏବଂ ପ୍ରକୃତ ହିରୋ ଅଟନ୍ତି ବୋଲି ସେ କହିଛନ୍ତି।
ଅକ୍ଷୟ ଆଜି ୫୩ ବର୍ଷରେ ପଦାର୍ପଣ କରିଛନ୍ତି। ନିଜର କାମ ସହ ନିଜର ଫିଟ୍ନେସ ପ୍ରତି ସେ ଧ୍ୟାନ ଦେଇ ଆସୁଛନ୍ତି। ଏବେ ସେ ସ୍କର୍ଟଲ୍ୟାଣ୍ଡରେ ପୁରା ପରିବାର ସହ ସମୟ ବିତାଇବା ସହ ଫିଲ୍ମର ଶୁଟିଂରେ ବ୍ୟସ୍ତ ଅଛନ୍ତି।
