ଦୁବାଇ, ୧୨।୧୦: ଇଂଲଣ୍ଡର ଷ୍ଟାର୍ ଦ୍ରୁତ ବୋଲର ଜୋଫ୍ରା ଆର୍ଚର ଆଇପିଏଲ୍ରେ ରାଜସ୍ଥାନ ରୟାଲ୍ସ ପକ୍ଷରୁ ଖେଳି ଚଳିତ ସିଜନରେ ଦମ୍ଦାର ପ୍ରଦର୍ଶନ କରୁଛନ୍ତି। ରବିବାର ଆଇପିଏଲ୍ର ୨୬ତମ ମୁକାବିଲାରେ ଆର୍ଚର ସନ୍ରାଇଜର୍ସ ହାଇଦ୍ରାବାଦ୍ ଅଧିନାୟକ ଡେଭିଡ୍ ଓ୍ବାର୍ନରଙ୍କ ମୂଲ୍ୟବାନ ଉଇକେଟ୍ ନେଇଥିଲେ। ୪୮ ରନ୍ କରି ବ୍ୟାଟିଂ କରୁଥିବାବେଳେ ଓ୍ବାର୍ନରଙ୍କୁ ଆର୍ଚର କ୍ଲିନ ବୋଲ୍ଡ କରିଦେଇଥିଲେ। ଏହି ଉଇକେଟ୍ ସହ ଆର୍ଚରଙ୍କ ଲଟେରୀ ଲାଗିଯାଇଛି। ସେ ୫୦ ହଜାର ଟଙ୍କା ମୂଲ୍ୟର ଏକ ନୂଆ ଗେମିଂ ଏକ୍ସବକ୍ସ ଜିତି ଯାଇଛନ୍ତି।
ଆର୍ଚରଙ୍କ ଏହି ଉପହାର ପାଇବା କାହାଣୀ ଅତ୍ୟନ୍ତ ମଜାଳିଆ ଅଟେ। ଗତ ମାସରେ ସୋନି ଏହାର ନୂତନ ଏକ୍ସବକ୍ସ ଲଞ୍ଚ କରିଥିଲା। ଉନ୍ମୋଚନ ଦିନ ଏକ୍ସବକ୍ସ ୟୁକେକୁ ଟୁଇଟ୍ କରି କହିଥିଲେ, ‘ମୋତେ ନୂତନ ଏକ୍ସବକ୍ସ କନସୋଲ ପାଇବା ପାଇଁ ଆଇପିଏଲ୍ରେ କେତେ ଉଇକେଟ୍ ନେବାକୁ ହେବ।’ ଏକ୍ସବକ୍ସ ପକ୍ଷରୁ ଏହାର ଉତ୍ତରରେ ଆର୍ଚରଙ୍କୁ କୁହାଯାଇଥିଲା, ଆପଣଙ୍କୁ କେବଳ ଡେଭିଡ୍ ଓ୍ବାର୍ନରଙ୍କ ଉଇକେଟ୍ ନେବାକୁ ହେବ। ଏବେ ଆର୍ଚର ରବିବାର ଓ୍ବାର୍ନରଙ୍କୁ ଆଉଟ୍ କରି ଏହି ପୁରସ୍କାର ଜିତି ନେଇଛନ୍ତି।
