ନୂଆଦିଲ୍ଲୀ,୨୨।୧ : ସରକାରୀ ଚାକିରି ପାଇବା ପାଇଁ ସ୍ନାତକ ହାସଲ କରିଥିବା ଦେଶର ଯୁବବର୍ଗମାନଙ୍କ ପାଇଁ ଏହା ଏକ ସୁବର୍ଣ୍ଣ ସୁଯୋଗ ରହିଛି। ନ୍ୟାଶନାଲ ଇନସ୍ୟୁରାନ୍ସ କମ୍ପାନୀ ଲିମିଟେଡ (ଏଆଇସିଏଲ) ନିଯୁକ୍ତି ବିଜ୍ଞପ୍ତି ଜାରି କରିଛି।
ସମ୍ପ୍ରତି ୨୭୪ ଆଡମିନିଷ୍ଟ୍ରେଟିଭ ଅଫିସର ନିଯୁକ୍ତି (NICL AO 2024) ପାଇଁ ଆବେଦନ ଚାଲିଛି। ଯାହା ପାଇଁ ଆଜି ଆବେଦନ କରିବାର ଶେଷ ଦିନ । ଆସନ୍ତା ମାସରେ, ଆସିଷ୍ଟାଣ୍ଟର ୩୦୦ ପଦବୀ ପୂରଣ ପାଇଁ ନିଯୁକ୍ତି ଆରମ୍ଭ ହେବ। ଆବେଦନ କରିବାକୁ ଚାହୁଁଥିବା ଯୁବବର୍ଗମାନଙ୍କୁ କମ୍ପାନୀର ଅଫିସିଆଲ ୱେବସାଇଟ nationalinsurance.nic.co.in ରେ ଲଗଇନ କରିବାକୁ ପଡିବ ।
ବିଜ୍ଞପ୍ତି ଅନୁଯାୟୀ ସାଧାରଣ ବର୍ଗ ପାଇଁ ଆବେଦନ ଶୁଳ୍କ ୧୦୦୦ ଟଙ୍କା ଏବଂ ଅନ୍ୟ ବର୍ଗ ଯୁବକ, ମହିଳା ଏବଂ ଭିନ୍ନକ୍ଷମଙ୍କ ପାଇଁ ୨୫୦ ଟଙ୍କା ଅଛି। ଅନଲାଇନେୀ ଦେୟ ଦେବାର ଏକ ବିକଳ୍ପ ରହିଛି। ଦରମା ପ୍ରାୟ ୫୦ ରୁ ୮୫ ହଜାର ଟଙ୍କା ହେବ। ନିଯୁକ୍ତି ପାଇଁ ଦୁଇଥର ଲିଖିତ ପରୀକ୍ଷା ହେବ। ପ୍ରଥମେ ପ୍ରିଲିମସ ପରୀକ୍ଷା ହେବ, ତା’ପରେ ମୁଖ୍ୟ ପରୀକ୍ଷା ଏବଂ ଯେଉଁମାନେ ପାସ କରିବେ ସେମାନଙ୍କ ମେରିଟ ତାଲିକା ପ୍ରସ୍ତୁତ ହୋଇ ପ୍ରକାଶ ପାଇବ ।
ମିଡିଆ ରିପୋର୍ଟ ଅନୁଯାୟୀ, ଏନଆଇସିଏଲରେ ୩୦୦ ସହାୟକ ନିଯୁକ୍ତ ହେବେ। ଏଥିପାଇଁ ନିଯୁକ୍ତି ପ୍ରକ୍ରିୟା ଶୀଘ୍ର ଆରମ୍ଭ ହେବ। ଯଦିଓ ବିଜ୍ଞପ୍ତି ପ୍ରକାଶ କରାଯାଇ ନାହିଁ, କିନ୍ତୁ ସୂତ୍ର ଅନୁଯାୟୀ, ୧ ଫେବୃଆରୀ ୨୦୨୪ ରୁ ନିଯୁକ୍ତି ପାଇଁ ଅନଲାଇନ ଆବେଦନ କରାଯାଇପାରିବ ଏବଂ ଆବେଦନ କରିବାର ଶେଷ ତାରିଖ ଫେବୃଆରୀ ୧୫ ହେବ। ବିଜ୍ଞପ୍ତି ଏବଂ ନିଯୁକ୍ତି ପ୍ରକ୍ରିୟା ପାଇଁ nationalinsurance.nic.co.in ଉପରେ ନଜର ରଖନ୍ତୁ ।
ନିଯୁକ୍ତି ଆବେଦନ ପାଇଁ ଅନଲାଇନରେ ପ୍ରଥମେ Nationalinsurance.nic.co.in କୁ ଲଗ ଇନ କରନ୍ତୁ ।
ମୂଳପୃଷ୍ଠାରେ ନିଯୁକ୍ତି ବିକଳ୍ପ ଟ୍ୟାପ କରନ୍ତୁ। ଆବେଦନ କରିବାକୁ ଲିଙ୍କରେ କ୍ଲିକ କରନ୍ତୁ। ଫର୍ମ ପୁରଣ କରନ୍ତୁ ଏବଂ ଡକ୍ୟୁମେଣ୍ଟଗୁଡିକ ସଂଲଗ୍ନ କରନ୍ତୁ । ଫଟୋ ଏବଂ ଦସ୍ତଖତ ଅପଲୋଡ କରନ୍ତୁ। ଫର୍ମ ପୂରଣ କରିବା ପରେ ଦେୟ ଦିଅନ୍ତୁ। PDF ଦାଖଲ ଏବଂ ଡାଉନଲୋଡ କରନ୍ତୁ।
