ଆଜିକାଲି ବଲିଉଡ ଅଭିନେତ୍ରୀ ଅନୁଷ୍କା ଶର୍ମା ସ୍ବାମୀ ବିରାଟ କୋହଲିଙ୍କ ସହ ସମୟ ବିତାଉଛନ୍ତି। ଇନଷ୍ଟାଗ୍ରାମ ଆକାଉଣ୍ଟରେ ତାଙ୍କ ପ୍ରଶଂସକଙ୍କ ପାଇଁ ଏକ ‘ଆସ୍କ-ମି-ଏନିଥିଙ୍ଗ୍’ ସେଶନ ରଖିଥିଲେ। ଏହି ସମୟରେ ଅନୁଷ୍କା ଶର୍ମା ପ୍ରଶଂସକମାନଙ୍କୁ ନିଜ ବିଷୟରେ ଅନେକ ମଜାଦାର କଥା କହିଥିଲେ। ପ୍ରଶଂସକମାନେ ତାଙ୍କୁ ପସନ୍ଦର ଖାଦ୍ୟ, ବିରାଟଙ୍କୁ ଅଧିକ କଷ୍ଟ ଦେଉଥିବା କଥା ଭଳି ଭଳି ଅନେକ ପ୍ରଶ୍ନ ପଚାରିଥିଲେ। ଅନୁଷ୍କା ଏସବୁ ପ୍ରଶ୍ନର ଉତ୍ତର ଦେଇଥିଲେ।
ପ୍ରଶଂସକଙ୍କ ପସନ୍ଦର ଖାଦ୍ୟ ପ୍ରଶ୍ନରେ ଅନୁଷ୍କା ଶର୍ମା କହିଛନ୍ତି ଯେ ସେ ୨୦୧୫ ଆରମ୍ଭରୁ ଶାକାହାରୀ ରହିଆସିଛନ୍ତି। ଏହା ତାଙ୍କ ଜୀବନର ସର୍ବୋତ୍ତମ ନିଷ୍ପତ୍ତି ଅଟେ। ସେ ପାହାଡୀ ଖାଦ୍ୟକୁ ପସନ୍ଦ କରନ୍ତି। ଅନୁଷ୍କା ଶର୍ମାଙ୍କ ଜଣେ ପ୍ରଶଂସକ ବିରାଟଙ୍କୁ ଅଧିକ କଷ୍ଟ ଦେଉଥିବା ପ୍ରଶ୍ନ କରିଛନ୍ତି। ଏହା ଉପରେ ଅଭିନେତ୍ରୀ କହିଥିଲେ ଯେ ବିରାଟ ଯେତେବେଳେ କାହାଠାରୁ କୌଣସି ବୋର୍ଡ ଗେମ୍ରେ ହାରିଯାନ୍ତି ସେତେବେଳେ ବିରକ୍ତ ହୁଅନ୍ତି। ଅନ୍ୟ ଜଣେ ପ୍ରଶଂସକ ପଚାରିଲେ ତୁମେ ବିରାଟଙ୍କୁ ସାହାଯ୍ୟ କର? ଅନୁଷ୍କା ଶର୍ମା କହିଛନ୍ତି ଯେ ହଁ, ଟାଇଟ୍ ବୋତଲ ଖୋଲିବା ଏବଂ ଭାରି ଚେୟାର ଉଠାଇବାରେ ସାହାଯ୍ୟ କରରେ।
