ବମ୍ବେ: ବୟସ ଅଠର। ହେଲେ ଲୋକପ୍ରିୟତାରେ ସେ ବଡ଼ ବଡ଼ ସେଲିବ୍ରିଟିଙ୍କୁ ପଛରେ ପକାଇବେ। ଆମେ କଥା ହେଉଛୁ ଅଭିନେତ୍ରୀ ଅନୁଷ୍କା ସେନ୍ଙ୍କ କଥା। ବହୁତ କମ୍ ବୟସରୁ ସେ ଅଭିନୟ ଆରମ୍ଭ କରିଥିଲେ। ଅନେକ ଲୋକପ୍ରିୟ ଶୋ’ କରିବା ପରେ ଏବେ ସେ ‘ଖତରୋ କେ ଖିଲାଡି-୧୧’ରେ ଭାଗ ନେଇଛନ୍ତି। ବୟସ ଅନୁଯାୟୀ ଷ୍ଟଣ୍ଟ ଆଧାରିତ ରିଆଲିଟି ଶୋ’ କରିଥିବା ସବୁଠାରୁ କମ୍ ବୟସ୍କ ପ୍ରତିଯୋଗୀ ସେ ପାଲଟିଛନ୍ତି। କେବଳ ଏତିକି ନୁହେଁ ଧିରେ ଧିରେ ସେ ନିଜର ସ୍ବପ୍ନ ପୂରଣ କରୁଥିବା ପ୍ରକାଶ କରନ୍ତି।
ସୋସିଆଲ ମିଡିଆରେ ବେଶ୍ ଆକ୍ଟିଭ୍ ଅନୁଷ୍କା। ଲଗାତାର ଭାବେ ସେ ନିଜର ଫଟୋ ସୋସିଆଲ ମିଡିଆରେ ଶେୟାର କରିଥାନ୍ତି। ଏବେ ତାଙ୍କର ସେଭଳି ଏକ ଫଟୋ ଚର୍ଚ୍ଚାରେ। ଫଟୋରେ ସେ ଲାଇଟ୍ ଜିନ୍ସ, ବ୍ଲାକ୍ ଲେଦର ସୁଜ୍, ପିଙ୍କ ଟି-ଶର୍ଟ ପିନ୍ଧିଛନ୍ତି। ସେ ଏକ ବିଏମ୍ଡବ୍ଲୁ ଆଗରେ ଛିଡ଼ା ହୋଇଛନ୍ତି। ଗାଡ଼ିଟିର ଦାମ ୫୦.୪୬ ଲକ୍ଷ ଥିବା ବେଳେ ନିକଟରେ ଅନୁଷ୍କା ଏହାକୁ କିଣିଛନ୍ତି।
ଅନୁଷ୍କାଙ୍କର ଏହ ପ୍ରଥମ ବିଏମ୍ଡବ୍ଲୁ। ତାଙ୍କୁ ସବୁବେଳେ ସ୍ପୋଟ୍ସ କାର୍ ପସନ୍ଦ ଥିଲା। ଏବେ ତାଙ୍କର ସେହି ସ୍ବପ୍ନ ସାକାର ହୋଇଛି। ଏହା ଏକ ବଡ଼ ଉପଲବ୍ଧି। ଭଗବାନ ତାଙ୍କର ଇଚ୍ଛାକୁ ପୂରଣ କରିବାକୁ ସାହାଯ୍ୟ କରିଛନ୍ତି। ଏହାଛଡ଼ା ସେ ପ୍ରଶଂସକମାନଙ୍କୁ ମଧ୍ୟ ଧନ୍ୟବାଦ ଜଣାଇଛନ୍ତି।
