ବମ୍ବେ: ଗତ ଡିସେମ୍ବରରେ ପ୍ରେମିକ କରନ କୁନ୍ଦ୍ରାଙ୍କଠାରୁ ଅଲଗା ହୋଇଥିଲେ ଭିଜେ ତଥା ଅଭିନେତ୍ରୀ ଅନୁଷା ଦାଣ୍ଡେକର। ଉଭୟଙ୍କ ସମ୍ପର୍କ ତୁଟିବା ପଛର କାରଣ ପ୍ରତାରଣା ବୋଲି ଅନୁଷା କହିଥିଲେ। ଏବେ ତାଙ୍କ ଜୀବନରେ ପୁଣି ଥରେ ପ୍ରେମର ବା’ ବୋହିବାରେ ଲାଗିଛି। କହିବାର ତାତ୍ପର୍ଯ୍ୟ ଟେଲି ଅଭିନେତା ଜେସନ ଶାହଙ୍କ ସହ ଯୋଡ଼ି ହୋଇଛି ଅନୁଷାଙ୍କ ମନ। ଉଭୟ ଏବେ ଏକାଠି ସମୟ ବିତାଇବାକୁ ପସନ୍ଦ କରୁଛନ୍ତି।
ବିଗ୍ବସ୍ରେ ନଜର ଆସିଥିବା ଜେସନ ଏକ ସାକ୍ଷାତକାରରେ ଅନୁଷାଙ୍କୁ ଏକ ମ୍ୟୁଜିକ୍ ଭିଡିଓ ଶୁଟିଂ ସେଟ୍ରେ ଭେଟିଥିବା କହିଛନ୍ତି। ସେଠାରୁ ଉଭୟ ପ୍ରଥମେ ବନ୍ଧୁ, ଆଉ ଏବେ ଡେଟ୍ କରୁଛନ୍ତି। କିଛି ସପ୍ତାହ ଭିତରେ ସେମାନେ ପରସ୍ପରର ନିକଟତର ହୋଇଛନ୍ତି। ଅନୁଷା ବହୁତ ସୁନ୍ଦର, ଦୟାଳୁ ଏବଂ ସ୍ବତନ୍ତ୍ର ମହିଳା। ନିଜ ଇଚ୍ଛା ଅନୁଯାୟୀ ବଞ୍ଚିବା ତାଙ୍କୁ ପସନ୍ଦ। ଏହି ଗୁଣଟି ଜେସନଙ୍କୁ ପସନ୍ଦ ଆସିଛି। ସେ ଏବେ ପ୍ରେମରେ ପଡ଼ିଥିବା ଅନୁଭବ ମଧ୍ୟ କରୁଥିବା କହିଛନ୍ତି। ହେଲେ ଉଭୟ ବିବାହ ବିଷୟରେ କିଛି ବି ଭାବି ନାହାନ୍ତି। ଯଦି ସବୁକିଛି ଠିକ୍ ରୁହେ ତେବେ ସେମାନେ ବିବାହ କରିବା କଥା ଚିନ୍ତା କରିବେ ବୋଲି କହିଛନ୍ତି ଜେସନ।
ଅପରପକ୍ଷେ ଅନୁଷା ମାର୍ଚ୍ଚରେ ଜେସନଙ୍କ ସହ ରୋମାଣ୍ଟିକ ଫଟୋଟିଏ ଶେୟାର କରିଥିଲେ। ଏହା ଏକ ଫଟୋଶୁଟ୍ ସମୟର ଥିଲା। ସେଥିରେ ଜେସନ ଶର୍ଟଲେସ୍ ଥିବା ବେଳେ ଅନୁଷା ତାଙ୍କୁ ଆଲିଙ୍ଗନ କରିଥିଲେ।
