ବଲିଉଡର ଅଭିନେତା ଅନୁପମ ଖେର ଇଣ୍ଡଷ୍ଟ୍ରିର ଜଣେ ଦମ୍ଦାର୍ ଅଭିନେତା ଭାବେ ଜଣାଶୁଣା। ୮୦ ଦଶକରୁ ନିଜର ଦୃଢ ଅଭିନୟ ସହିତ ଦର୍ଶକଙ୍କୁ ମନୋରଞ୍ଜନ କରୁଥିବା ଅନୁପମ ଖେର ତାଙ୍କ କ୍ୟାରିୟରର ୫୩୪ ତମ ଫିଲ୍ମ ସାଇନ୍ କରିଛନ୍ତି। ଗତ ବର୍ଷର ସୁପରହିଟ ଫିଲ୍ମ ‘କଶ୍ମୀର ଫାଇଲ୍ସ’ର ନିର୍ଦ୍ଦେଶକ ବିବେକ ଅଗ୍ନିହୋତ୍ରିଙ୍କ ଫିଲ୍ମ ‘ଦି ଭ୍ୟାକ୍ସିନ ଓ୍ବାର୍’ରେ ଅନୁପମ ଖେରଙ୍କୁ ଦେଖିବାକୁ ମିଳିବ। ଏହାସହ ଅନୁପମ ଏକ ନିଆରା ରେକର୍ଡ ହାସଲ କରିଛନ୍ତି।
ହିନ୍ଦୀ ସିନେମାରେ ସର୍ବାଧିକ ସଂଖ୍ୟକ ଫିଲ୍ମ କରିବାରେ ଅନୁପମ ତୃତୀୟ ସ୍ଥାନ ହାସଲ କରିଛନ୍ତି। ଅଭିନେତ୍ରୀ ଲଲିତା ପାୱାର ଏବଂ ଶକ୍ତି କପୁରଙ୍କ ନାମ ଶୀର୍ଷ ତାଲିକାରେ ରହିଛି। ଅନୁପମ ଏହି ୫୩୪ଟି ଫିଲ୍ମ ଦେଶର ଅଧିକାଂଶ ଭାଷାରେ କରିଛନ୍ତି। ଏଥିରେ କ୍ଷୁଦ୍ର ଫିଲ୍ମ, କେମୋ, ଡକ୍ୟୁମେଣ୍ଟାରୀ ସାମିଲ ଅଛି। ଅନୁପମଙ୍କ ବ୍ୟତୀତ ଅଭିନେତ୍ରୀ ଅରୁଣା ଇରାନୀ ଏବଂ ଅଭିନେତା ଅମରେଶ ପୁରୀ ୪୫୦ରୁ ଅଧିକ ଫିଲ୍ମ କରିଛନ୍ତି।
ଭାରତରେ କରୋନା ଟିକା ତିଆରି କରିବାର କାହାଣୀ ବିବେକ ଅଗ୍ନିହୋତ୍ରିଙ୍କ ଫିଲ୍ମ ‘ଦି ଭ୍ୟାକ୍ସିନ୍ ଓ୍ବାର’ରେ ପ୍ରଦର୍ଶିତ ହେବ। ଏହି ଫିଲ୍ମରେ ଅନୁପମ ଖେର ମଧ୍ୟ ଏକ ଗୁରୁତ୍ୱପୂର୍ଣ୍ଣ ଭୂମିକାରେ ଅଭିନୟ କରିବେ। ସେ ତାଙ୍କ ଅଫିସିଆଲ ଇନଷ୍ଟାଗ୍ରାମ ହ୍ୟାଣ୍ଡେଲରେ ଏହି ସୂଚନା ଦେଇଛନ୍ତି।
View this post on Instagram
