ଆମେରିକାର ରୋଗ ନିୟନ୍ତ୍ରଣ ଏବଂ ପ୍ରତିରୋଧ କେନ୍ଦ୍ରର ଅନୁସନ୍ଧାନକାରୀମାନେ ଏକ ବିରଳ ଭୂତାଣୁ ଆବିଷ୍କାର କରିଛନ୍ତି, ଯାହା ଜଣେ ବ୍ୟକ୍ତିଙ୍କଠାରୁ ଅନ୍ୟ ଜଣଙ୍କୁ ସଂକ୍ରମଣ ହେବାର ଆଶଙ୍କା ରହିଥାଏ। ଏହି ଭୂତାଣୁ ଠିକ୍ ଇବୋଲା ପରି ଜ୍ୱର ବ୍ୟାପିଥାଏ। ୨୦୧୯ରେ ବୈଜ୍ଞାନିକମାନେ କହିଛନ୍ତି ଯେ, ବୋଲିଭିୟାର ରାଜଧାନୀ ଲେ ପେଜ୍ରେ ଦୁଇଜଣ ରୋଗୀ ୩ ଜଣ ସ୍ବାସ୍ଥ୍ୟକର୍ମୀଙ୍କ ନିକଟରେ ଏହି ଭୂତାଣୁ ଚିହ୍ନଟ ହୋଇଥିଲା। ପରେ ଜଣେ ରୋଗୀ ଏବଂ ୨ ଜଣ ସ୍ବାସ୍ଥ୍ୟକର୍ମୀଙ୍କ ମୃତ୍ୟୁ ଘଟିଥିଲା।
୨୦୦୪ ମସିହାରେ ଏହି ଭାଇରସ ସାମ୍ନାକୁ ଆସିଥିଲା। ଯାହା ଲା ପେଜ୍ଠାରୁ ୩୭୦ କିଲୋମିଟର ଦୂରରେ ଥିଲା। କ୍ୟାଟଲିନ କୋସାବ୍ଲୋମ ନାମକ ଜଣେ ମହାମାରୀ ବିଶେଷଜ୍ଞ କହିଛନ୍ତି ଯେ, ଆମର ଗବେଷଣା ପ୍ରମାଣିତ କରିଛି, ତିନି ଜଣ ମେଡିକାଲ କର୍ମଚାରୀ ଏହି ଭୂତାଣୁରେ ଆକ୍ରାନ୍ତ ହୋଇଥିଲେ। ଏମାନଙ୍କଠାରେ ପଜିଟିଭ୍ ଚିହ୍ନଟ ହୋଇଥିଲା। ଆମେ ବିଶ୍ୱାସ କରୁ ଯେ, ବର୍ତ୍ତମାନ ଅନେକ ଲୋକ ଶରୀରର ତରଳ ପଦାର୍ଥ ସାହାଯ୍ୟରେ ଏହି ଭୂତାଣୁ ବହନ କରୁଛନ୍ତି।
କୁହାଯାଉଛି, ମୂଷାମାନେ ଏହି ଭୂତାଣୁର ବାହକ ଅଟନ୍ତି। ଏହା ଭୂତାଣୁ ଶରୀରରେ ପ୍ରବେଶ କଲେ ଶ୍ୱାସକ୍ରିୟାରେ କଷ୍ଟ ହେବା ସହ ଜ୍ୱର, ପେଟଯନ୍ତ୍ରଣା, ବାନ୍ତି, ରକ୍ତସ୍ରାବ, ଚର୍ମଦାଗ ଏବଂ ଆଖିରେ ମଧ୍ୟ ଯନ୍ତ୍ରଣା ହୋଇଥାଏ। କରୋନା, ଇବୋଲା ପରି ଏହା ଆଉ ଏକ ରୋଗ। ଏହି ରୋଗ ପାଇଁ କୌଣସି ନିର୍ଦ୍ଦିଷ୍ଟ ଔଷଧ ବାହାରିନାହିଁ। ରୋଗୀମାନଙ୍କୁ କେବଳ ତରଳ ଚିକିତ୍ସା କରାଯାଇଥାଏ। ତେବେ ଡବ୍ଲ୍ୟୁଏଚ୍ଓ କହିଛି, ଏହି ଭୂତାଣୁ ଚିହ୍ନଟ ପାଇଁ ଆହୁରି ଅଧିକ ଗବେଷଣା ଚାଲିଛି।
