କାନବେରା,୧୫ ।୫: ଅଷ୍ଟ୍ରେଲିଆର ପୂର୍ବତନ କ୍ରିକେଟର ଆଣ୍ଡ୍ରିୟୁ ସାଇମଣ୍ଡସଙ୍କର କାର ଦୁର୍ଘଟଣାରେ ୪୬ ବର୍ଷ ବୟସରେ ପରଲୋକ ହୋଇଛି । ଶନିବାର ରାତିରେ ଟାଉନସଭିଲେରେ ଏହି ଦୁର୍ଘଟଣା ଘଟିଛି । ପୋଲିସର ସୂଚନା ଅନୁଯାୟୀ, ସାଇମଣ୍ଡସଙ୍କୁ ବଞ୍ଚାଇବାକୁ ସତ ଚେଷ୍ଟା କରାଯାଇଥିଲେ ବି ଏହା ସଫଳ ହୋଇନାହିଁ । ଦୁର୍ଘଟଣାରେ ସେ ଗୁରୁତର ହୋଇଥିବା ପୋଲିସ କହିଛି ।
ଗଣମାଧ୍ୟମର ସୂଚନା ଅନୁଯାୟୀ, ସାଇମଣ୍ଡସଙ୍କ କାର ଟାଉନସଭିଲେ ନିକଟରେ ଦୁର୍ଘଟଣାର ଶିକାର ହୋଇଥିଲା । ସେ ନିଜେ ଡ୍ରାଇଭିଂ କରୁଥିବା ବେଳେ ତାଙ୍କ କାର୍ ଏଲିସ ରିଭର ବ୍ରିଜରୁ ବାହାରି ତଳକୁ ଖସିପଡିଥିଲା । ତୁରନ୍ତ ତାଙ୍କୁ ଉଦ୍ଧାର କରାଯାଇ ନିକଟସ୍ଥ ହସ୍ପିଟାଲର ଏମରଜେନ୍ସି ସର୍ଭିସରେ ଭର୍ତ୍ତି କରାଯାଇଥିଲା । ହେଲେ ଡାକ୍ତରଙ୍କ ସତ ଚେଷ୍ଟା ସଫଳ ହୋଇ ନ ଥିଲା । ଏବେ ଫରେନସିକ କ୍ରେଶ ୟୁନିଟ ତାଙ୍କ ଦୁର୍ଘଟଣାର ଯାଞ୍ଚ କରୁଛି ।
ସାଇମଣ୍ଡସଙ୍କ କ୍ୟାରିୟରରେ ସେ ୧୯୮ ୱାନ ଡେ’ ମ୍ୟାଚରେ ୫୦୮୮ ରନ କରିଥିଲେ । ଏହି ଫର୍ମାଟକୁ ସେ ଅଲରାଉଣ୍ଡ ଫର୍ମାଟ କରି ୧୩୩ ରନ ନେଇଥିଲେ । ସେ ୨୬ଟି ଟେଷ୍ଟ ମ୍ୟାଚରେ ୧୪୬୨ରନ ସହ ୨୪ ୱିକେଟ ନିଜ ନାମରେ କରିପାରିଥିଲେ । ସାଇମଣ୍ଡସ ୧୪ଟି ଟି୨୦ ମ୍ୟାଚ ବି ଖେଳିଥିଲେ ।
କ୍ରିକେଟରେ ନିଜର ଭଲ କ୍ୟାରିୟର ସହ ବିବାଦରେ ବି ଫସିଛନ୍ତି ସାଇମଣ୍ଡସ୍ । ୨୦୦୭-୦୮ରେ ସାଇମଣ୍ଡସ ଓ ହରଭଜନ ସିଂଙ୍କ ମଧ୍ୟରେ ହୋଇଥିବା ବିବାଦ ଆଜିବି ଖେଳ ପ୍ରେମୀଙ୍କ ମନରେ ରହିଛି । ଏହି ମାମଲାକୁ ମଙ୍କିଗେଟ ବି କୁହାଯାଏ ।
